ઈન્કમ ટેક્સ રિટર્ન ફાઈલ કરવા માટે એજન્ટને હજારો રૂપિયા નહીં ચૂકવવા પડશે, જાણો આ સરળ રીત

ઈન્કમ ટેક્સ રિટર્ન ફાઈલ કરવા માટે એજન્ટને હજારો રૂપિયા નહીં ચૂકવવા પડશે, જાણો આ સરળ રીત

દર વર્ષે આવકવેરો ભરવો પડે છે. જો વાર્ષિક આવક 2.5 લાખથી વધુ છે, તો તમારે ટેક્સ ચૂકવવો પડી શકે છે. જો કે હાલમાં ટેક્સ ભરવા માટે બે સ્લેબ છે. જો તમે જૂના સ્લેબ પ્રમાણે ટેક્સ ભરો છો તો અલગ ટકાવારી પ્રમાણે ટેક્સ ભરવો પડશે. બીજી તરફ, જો તમે નવા સ્લેબ મુજબ ટેક્સ ચૂકવો છો, તો પછી અલગ ટકાવારી અનુસાર ટેક્સ ચૂકવવો પડશે. સાથે જ લોકો ટેક્સ ભરવા માટે એજન્ટોનો સહારો પણ લે છે.

એજન્ટને આપો છો પૈસા?
લોકોને કર ચૂકવવો મહાભારત જેવો લાગે છે.. ઘણા લોકો એવા છે જેઓ પોતાની મેળે ટેક્સ ભરવામાં અસમર્થ છે. આવા લોકો દર વર્ષે ટેક્સ ભરતા એજન્ટની મદદ લે છે, જે ટેક્સ ભરવા માટે થોડાક હજાર બે હજાર રૂપિયા પણ લે છે. જો કે, જો તમે કેટલાક સરળ સ્ટેપ્સ ફોલો કરીને જાતે ITR ફાઇલ કરો છો, તો આ ખર્ચ ટાળી શકાય છે.

આવકવેરા વિભાગે ઓનલાઈન ટેક્સ ભરવા માટે પણ કેટલાક સ્ટેપ્સ બતાવવામાં આવ્યાં છે. તમે પણ સરળતાથી ઈન્કમટેક્સ ઓનલાઈન ફાઈલ કરી શકો છો અને તમે એજન્ટને ચૂકવેલ નાણાં બચાવી શકો છો.

ઓનલાઈન ઈન્કમ ટેક્સ રિટર્ન કેવી રીતે ભરવું
સૌ પ્રથમ www.incometaxindiaefiling.gov.in પર જાઓ.
તમારા PAN નંબરનો ઉપયોગ કરીને લોગ ઇન કરો.
'ડાઉનલોડ્સ' પર જાઓ અને સંબંધિત વર્ષ હેઠળ ITR-1 (સહજ) રીટર્ન પ્રિપેરેશન સોફ્ટવેર પસંદ કરો. તે એક્સેલ તરીકે ડાઉનલોડ થશે.
એક્સેલ શીટ ખોલો અને ફોર્મ-16થી સંબંધિત વિગતો ભરો.
બધી વિગતોની ગણતરી કરો અને શીટ સાચવો.
'સબમિટ રિટર્ન' પર જાઓ અને સેવ કરેલી એક્સેલ શીટ અપલોડ કરો.
હવે તમને ડિજિટલ હસ્તાક્ષર અપલોડ કરવા માટે કહેવામાં આવશે. તમે આ પગલું છોડી પણ શકો છો.
તમારી સ્ક્રીન પર સફળ ઈ-ફાઈલિંગ સબમિશન મેસેજ પ્રદર્શિત થશે.
ITR વેરિફિકેશન ફોર્મ તમારા રજિસ્ટર્ડ ઈમેલ આઈડી પર મોકલવામાં આવશે.

આ પ્રકારના તમામ સમાચાર માટેે App ડાઉનલોડ કરો.