આગાખાન પ્રિસ્કૂલ બોટાદ ખાતે ‘એન્યુઅલ ડે’ ની ઉત્સાહપૂર્વક ઉજવણી

April 26, 2024 At This Time Botad

સમગ્ર બોટાદ પંથકમાં પૂર્વ પ્રાથમિક શિક્ષણ (અર્લી ચાઈલ્ડહુડ એજ્યુકેશન) ક્ષેત્રે મોખરાનું સ્થાન ધરાવતી આગાખાન પ્રિસ્કૂલ બાળકોને વિવિધ પ્રકારનાં અનુભવો પુરા પાડી બાળકોના સર્વાંગી વિકાસ માટે સતત કાર્યરત રહે છે.બાળકોના સર્વાંગી વિકાસને ધ્યાનમાં રાખીને આગાખાન પ્રિસ્કૂલ દર વર્ષે બાળકો માટે વાર્ષિક પ્રોગ્રામનું આયોજન કરે છે. એન્યુઅલ ડે માત્ર આનંદનો દિવસ નથી નાના બાળકોમાં શારીરિક પ્રવૃત્તિ, ટીમ વર્ક અને તંદુરસ્ત જીવનશૈલીને અપનાવવા માટે આ એક તક છે. આ કાર્યક્રમનો ઉદ્દેશ બાળકોમાં રહેલ કૌશલ્યો, સામાજિક આવડતો, કલા વિગેરેને બહાર લાવી બાળકોને પ્રોત્સાહિત કરવાનો અને તેમના આત્મવિશ્વાસમાં વધારો કરવાનો છે.તા. ૨૦/૦૪/૨૦૨૪ના રોજ આગાખાન પ્રિસ્કુલ બોટાદ દ્વારા બાળકો માટે એન્યુઅલ ડે નુ આયોજન કરવામાં આવેલ હતું. એન્યુઅલ પ્રોગ્રામમાં બાળકો અને વાલીઓએ ખુબજ ઉત્સાહ પૂર્વક ભાગ લીધો હતો. નાના બાળકો દ્વારા વિવિધ કાર્યક્રમો ખુબ જ સુંદર રીતે રજુ થયા હતા.બાળકોની રજુઆતોને જોઈ ઉપસ્થિત તમામ પ્રેક્ષકો અભિભૂત થઇ ગયા હતા. બાળકોની સાથે વાલીઓ પણ કાર્યક્રમમાં ઉત્સાહપૂર્વક ભાગ લીધો હતો. ત્યાં હાજર રહેલ તમામ દર્શકોએ તેમની રજુઆતને આનંદપૂર્વક નિહાળી હતી.સમગ્ર કાર્યક્રમ દરમ્યાન ઉપસ્થિત તમામ લોકોએ તાળીઓનાં ગડગડાટથી બાળકોનાં ઉત્સાહમાં સતત વધારો કર્યો હતો.આગાખાન પ્રિસ્કૂલ્સ એ આગાખાન એજ્યુકેશન સર્વિસ (AKES) વૈશ્વિક નેટવર્કનો એક ભાગ છે જે વિશ્વના 13 દેશોમાં 200 થી વધુ શાળાઓ અને શૈક્ષણિક કાર્યક્રમોનું સંચાલન કરે છે. આગાખાન એજ્યુકેશન સર્વિસ, ઇન્ડિયા (AKESI) હાલમાં ભારતમાં ગુજરાત, મહારાષ્ટ્ર અને તેલંગાણા રાજ્યોમાં આઠ શાળાઓ, એક હોસ્ટેલ અને ઓગણીસ આગાખાન પ્રિસ્કૂલ્સનું સંચાલન કરે છે. AKESI એ પોતાની વૈવિધ્યપૂર્ણ શૈક્ષણિક અને સહશૈક્ષણિક પ્રવૃતિઓ માટે અનેક એવોર્ડસ મેળવેલ છે. તાજેતરમાં જ દેશનાં જાણીતા શૈક્ષણિક સંગઠન India Didactics Association (IDA) દ્વારા AKESI ને ‘સ્કૂલ ચેઈન ઓફ ધી યર’ તેમજ આગાખાન પ્રિસ્કૂલને ‘અર્લી ચાઈલ્ડહુડ એજ્યુકેશન ચેઈન ઓફ ધી યર’ તરીકે નવાજવામાં આવેલ છે. તેમજ એજ્યુકેશન વર્લ્ડ દ્વારા દ્વારા આગાખાન પ્રિસ્કૂલને દેશની ૧૦ ‘મોસ્ટ રીસ્પેક્ટેડઅર્લી ચાઈલ્ડહુડ એજ્યુકેશન બ્રાન્ડસ’ માં સ્થાન આપવામાં આવેલ છે.

આ પ્રકારના તમામ સમાચાર માટેે

App ડાઉનલોડ કરો.