રાજકોટમાં BCCIની અલગ-અલગ ટુર્નામેન્ટની 77 મેચ રમાશે

સૌરાષ્ટ્ર ક્રિકેટ એસોસીએશનના ખંઢેરી સ્થિત સ્ટેડિયમ ખાતે 77 મેચો રમાશે એસસીએ અલગ અલગ ટ્રોફીની યજમાની કરશે. ભારતીય ક્રિકેટ કંટ્રોલ બોર્ડ – એ ડોમેસ્ટિક સીઝન 2022-23ની જાહેરાત કરી છે. ડોમેસ્ટિક સીઝન પૂરજોશમાં રમવાની છે અને ઈરાની કપ પણ બે વર્ષ પછી રમવાનો છે.
પ્રતિષ્ઠિત ઈરાની કપ સૌરાષ્ટ્ર ક્રિકેટ એસોસિએશન સ્ટેડિયમ ખાતે 1લી થી 5મી ઓક્ટોબર દરમિયાન રણજી ટ્રોફી ચેમ્પિયન્સ 2019-20 ટીમ સૌરાષ્ટ્ર વિરુદ્ધ બાકીના ભારત વચ્ચે યોજવામાં આવશે સૌરાષ્ટ્રની ટીમ 13મી માર્ચ 2020ના રોજ સીઝન 2019-20ની રણજી ટ્રોફી ચેમ્પિયન બની હતી. ટીમ સૌરાષ્ટ્રને ત્યારબાદ 18મી માર્ચ 2020થી એસીએ સ્ટેડિયમ ખાતે ઈરાની ટ્રોફી રમવાની હતી. કોવિડ ની મહામારીને કારણે ઈરાની કપ રમાઈ શક્યો ન હતો.
1લી ઓક્ટોબર થી સૌરાષ્ટ્ર ક્રિકેટ એસોસિએશન બીસીસીઆઈની વિવિધ સ્થાનિક ટુર્નામેન્ટની લગભગ 77 મેચોનું આયોજન કરશે. સૌરાષ્ટ્ર ક્રિકેટ એસોસિએશન ઈરાની કપનું આયોજન કરશે, સૈયદ મુસ્તાક અલી ટી-20 ટુર્નામેન્ટ એલિટ એ ગ્રુપની 28 મેચો, મેન્સ અંડર 25 વન-ડે ટ્રોફી એલિટ બી ગ્રુપની 28 મેચો, મહિલા અન્ડર 15 એલિટ ગ્રુપ ડીની 15 મેચો, રણજી ટ્રોફી એલિટ બીની 3 મેચો યોજાશે. ગ્રુપ, કર્નલ સી કે નાયડુ ટ્રોફીની 3 મેચ અંડર 25 એલિટ ગ્રુપ ડી અને 19 એલિટ ગ્રુપ બી હેઠળ કૂચ બિહાર ટ્રોફીની 3 મેચ.
રણજી ટ્રોફી હોમ-અવે ફોર્મેટમાં રમવાની છે. ઘરની ત્રણ મેચો; સૌરાષ્ટ્ર વિ મહારાષ્ટ્ર, સૌરાષ્ટ્ર વિ દિલ્હી અને સૌરાષ્ટ્ર વિ આંદ્રા રાજકોટ ખાતે રમાશે. સૌરાષ્ટ્ર એલિટ ગ્રુપ બીમાં છે. કર્નલ સીકે ટ્રોફી અંડર 25 મલ્ટિ-ડે ટુર્નામેન્ટ પણ હોમ-અવે ફોર્મેટમાં રમાશે. ઘરની ત્રણ મેચો; રાજકોટમાં સૌરાષ્ટ્ર વિ.નાગાલેન્ડ સૌરાષ્ટ્ર વિ. કેરળ અને સૌરાષ્ટ્ર વિ. દિલ્હી વચ્ચે રમાશે. કૂચ બિંહાર ટ્રોફી અંડર 19 મલ્ટિ ડે ટુર્નામેન્ટ પણ હોમ અવે ફોર્મેટમાં રમાશે. ઘરઆંગણે સૌરાષ્ટ્રની ત્રણ મેચ મહારાષ્ટ્ર સિકિકમ અને આસામ સામે રમાશે. રણજી ટ્રોફી એલિટ ગ્રુપબીમાં ટીમ સૌરાષ્ટ્ર આસામ, મુંબઈ હૈદરાબાદ અને તમિલનાડુ સામે 4 અવે મેચ રમશે.
સૌરાષ્ટ્રની ટીમ સૈયદ મુસ્તાક અલી ટી.20 ટુર્નામેન્ટ એલિટ ગ્રુપ ડીમાં છે અને મધ્યપ્રદેશ ખાતે 6 લીગ મેચ રમશે વિજય હજારે ટ્રોફી વનડે ટુર્નામેન્ટમાં સૌરાષ્ટ્રની ટીમ એલિટ ગ્રુપ એમાં છે અને દિલ્હી ખાતે સાત લીગ મેચ રમશે.

આ પ્રકારના તમામ સમાચાર માટેે App ડાઉનલોડ કરો.