રાજકોટ: વધુ એક બંગાળી કારીગર રૂ. 20.88 લાખના સોના સાથે ફરાર

શહેરના સોની બજારમાં બે દિવસ પહેલાં એક બંગાળી કાગીગર રૂા.28 લાખના સોના સાથે ફરાર થઇ ગયાની પોલીસમાં ફરિયાદ નોંધાયાની તપાસ ચાલી રહી છે તે દરમિયાન વધુ એક બંગાળી કારીગર રૂા.20.88 લાખની કિંમતના 390 ગ્રામ સોનુ લઇ ભાગી ગયાની પોલીસમાં ફરિયાદ નોંધાઇ છે.
આ અંગેની પોલીસમાંથી પ્રાપ્ત વિગત મુજબ મુળ પશ્ર્ચિમ બંગાળના હુગલી જિલ્લાના વતની અને લાંબા સમયથી રાજકોટમાં સ્થાયી થઇ રામનાથપરા શેરી નંબર 12માં રહેતા નાજીરહુસેન રૂહુલ ઇસ્લાઇલ શેખે સોની બજારમાં આવેલા રવિરત્ની કોમ્પ્લેક્ષમાં પોતાના બનેવી શરીફુદીન સનોર અલ્મૌલા સાથે ભાગીદારીમાં સોનાના ઘરેણા બનાવવાની પેઢી શરૂ કરી હતી.
આ પેઢીમાં સોનામાંથી ઘરેણા બનાવવા માટે કામે રાખેલો પશ્ર્ચિમ બંગાળના નદીયા જિલ્લાના મુકબર છાદેર મંડલ નામનો શખ્સ રૂા.20.88 લાખની કિંમતનું 390 ગ્રામ સોનું લઇ ભાગી ગયાની એ ડિવિઝન પોલીસમાં ફરિયાદ નોંધાવતા એએસઆઇ એચ.આર.ચાનિયા સહિતના સ્ટાફે તપાસ હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.