આણંદમાં દિનદયાલ ઉપાધ્યાય કોમ્પ્લેક્ષના વીજ મીટરમાં આગ લાગી, સદનસીબે જાનહાનિ ટળી

આણંદમાં ઉપાધ્યાય કોમ્પ્લેક્ષના લગાવાયેલા વીજમીટરમાં આજરોજ સવારના સમયે એકાએક આગ લાગતાં અફરાતફરી મચી હતી. જોકે, ફાયરબ્રિગેડની ટીમે તુરંત જ સ્થળ પર પહોંચી, આગ પર કાબૂ મેળવ્યો છે. આણંદમાં નગરપાલિકાની સામે દીનદયાલ ઉપાધ્યાય કોમ્પલેક્ષ આવેલું છે. આ કોમ્પ્લેક્ષમાં આવેલ અંબિકા પેટીસ નામની દુકાનની બાજુમાં લગાવેલ ઇલેક્ટ્રીક મીટરમાં આજરોજ સવારના સમયે એકાએક આગ લાગી હતી. જેથી તુરંત જ આ અંગેની જાણ આણંદ ફાયરબ્રિગેડને કરવામાં આવી હતી. ફાયર ઓફિસર ધર્મેશ ગોર ના સૂચના થી ફાયર ફાઈટર સહદેવસિંહ રાઠોડ, નરેન્દ્ર પંડ્યા, ભાવેશ વરું, હીંમત ભુરીયા, કૃષ્ણરાજ રાઉલજી સહિતની ટીમ તુરંત જ ઘટનાસ્થળે પહોંચી હતી અને ફાયર એક્ષ્ટીંગ્યુશર વડે આગ પર કાબૂ મેળવ્યો હતો. સદનસીબે આગની આ ઘટનામાં કોઈ જાનહાની થયેલ નથી.

આ પ્રકારના તમામ સમાચાર માટેે App ડાઉનલોડ કરો.