બોટાદની મોડેલ સ્કૂલની મુલાકાતે શિક્ષણમંત્રી ડો. કુબેરભાઈ ડિંડોર

બોટાદની મોડેલ સ્કૂલની મુલાકાતે શિક્ષણમંત્રી ડો. કુબેરભાઈ ડિંડોર

મંત્રીએ વિદ્યાર્થિનીઓને મૂલ્યલક્ષી અને પ્રેરણાદાયી માર્ગદર્શન આપી સૌનો ઉત્સાહ વધાર્યો

ગુજરાત રાજ્યના આદિજાતી વિકાસ, પ્રાથમિક, માધ્યમિક અને પ્રૌઢ શિક્ષણ વિભાગના મંત્રી ડો. કુબેરભાઈ ડિંડોરે બોટાદ જિલ્લાની મુલાકાત લીધી હતી. આ તકે મંત્રીએ બોટાદ શહેર સ્થિત મોડેલ સ્કૂલની પણ મુલાકાત લઈ શાળાની વિગતો મેળવી હતી. સાથોસાથ આ કૅમ્પસમાં કસ્તુરબા ગાંધી બાલિકા વિદ્યાલય છાત્રાલયની વિદ્યાર્થિનીઓ સાથે સંવાદ સાધી તેઓના ઉજ્જવળ ભવિષ્ય માટે શુભેચ્છાઓ પાઠવી હતી.
આ તકે શિક્ષણમંત્રીએ વિદ્યાર્થિનીઓને મૂલ્યલક્ષી અને પ્રેરણાદાયી માર્ગદર્શન આપી સૌનો ઉત્સાહ વધાર્યો હતો. મંત્રીએ વિદ્યાર્થિનીઓનાં છાત્રાલયની તમામ સુવિધાઓ અને સમગ્ર વ્યવસ્થા અંગે તલસ્પર્શી જાણકારી મેળવી હતી. આ સંવાદ દરમિયાન વિદ્યાર્થિનીઓના જવાબ અને પ્રતિભાવથી મંત્રી કુબેરભાઈ ડિંડોર ખૂબ જ પ્રભાવિત થયાં હતાં. આ સુંદર મજાનાં કાર્યક્રમમાં બોટાદનાં ડી.પી.ઈ.ઓ. ભરતસિંહ વાઢેર, ડી.ઈ.ઓ. વિક્રમસિંહ પરમાર, નાયબ જિલ્લા પ્રાથમિક શિક્ષણાધિકારીશ્ પી.ડી.મોરી ઉપસ્થિત રહ્યા હતા. સાથોસાથ રવિવાર હોવા છતાં મોડેલ સ્કૂલના તમામ કર્મચારીઓ પણ ઉત્સાહપૂર્વક હાજર રહ્યા હતાં.

Report by
Ashraf jangad
9998708844

આ પ્રકારના તમામ સમાચાર માટેે App ડાઉનલોડ કરો.