વડોદરાના કિશનવાડીમાં બાળકો ઉઠાવી જવાના આરોપમાં એક યુવાનને સ્થાનિક ટોળાએ મરણતોલ માર માર્યો.

મળેલી માહિતી પ્રમાણે વડોદરાના કિશનવાડીમાં બાઇક ઉપર આવેલ એક યુવાન બાળક ઉઠાવી જઇ રહ્યો હોવાની સ્થાનિક લોકોને શંકા જતાં જોતજોતાંમાં ટોળું એકઠું થઇ ગયું હતું અને કહેવાતા બાળક ચોરને હાથ અને લાતો ઉપરાંત હાથમાં જે આવ્યું તેનાથી મરણતોલ માર માર્યો હતો . કહેવાતા બાળક ચોર યુવાનને માથામાં ઇજા થતાં લોહી લૂહાણ થઇ ગયો હતો . બાળકચોર લોકોના મારથી રોડ ઉપર બેભાન થઇ ગયા પછી પણ લોકો લાતો અને મુક્કા મારતા રહ્યાં હતાં . દરમિયાન આ અંગેની જાણ બાપોદ પોલીસને થતાં પોલીસ સ્થળ ઉપર આવી પહોંચી હતી અને ટોળાના ચુગાલમાંથી કહેવાતા બાળક ચોરને ગંભીર હાલતમાં ટોળામાંથી લઈ ગઈ હતી . ગંભીર ઇજા પામેલા કહેવાતા બાળક ચોરને હોસ્પિટલમાં ખસેડાયો હતો . આ બનાવનો વીડિયો વાયુવેગે સોશિયલ મીડિયામાં વાયરલ થતાં ચકચાર મચી ગય હતી .

આ પ્રકારના તમામ સમાચાર માટેે App ડાઉનલોડ કરો.