👁 ચક્ષુદાન-મહાદાન👁 જુનાગઢ જિલ્લાના માંગરોળમાં કોટેચા પરિવાર દ્વારા થયેલ ચક્ષુદાન

જુનાગઢ જીલ્લાના માંગરોળમાં રહેતા સ્વ.કોટેચા ભાવનાબેન પરેશભાઈ ઉ.વર્ષ.50 કે જેઓ શ્રી પરેશભાઈ પોપટભાઈ કોટેચાના ધર્મપત્નિ થાય છે.તેમજ વેરાવળ પીપલ્સ બેંકમાં ફરજ બજાવતા હેમેન્દ્રભાઈ કોટેચાના ભાભી થાય છે.જેમનું આજ રોજ તા.29.05.2023 ને સોમવાર,જેઠ સુદ નોમના રોજ દુઃખદ અવસાન થયેલ છે.
સ્વર્ગસ્થ ભાવનાબેન કોટેચાએ મટુબેન છાત્રોડિયાના માધ્યમથી ગત તા.17.05.2023ના રોજ ચક્ષુદાનનો સંકલ્પ કરેલ હતો.અને ખુબ જ ટુંકા ગાળામાં તેમનું આજ રોજ નિધન થયેલ.
આથી આ દુઃખદ સમયે તેમના પરિવાર દ્વારા સદગતના ચક્ષુદાન કરવાના સદવિચારને માંગરોળ તાલુકાના વરિષ્ઠ પત્રકારશ્રી વિનુભાઈ મેસવાણિયા દ્વારા આરેણા સ્થિત શિવમ્ ચક્ષુદાન સલાહકેંદ્રના સંચાલક સામે મુકેલ.

આથી નેત્ર કલેક્શન માટે રહિજ ગામના વતની અને હાલ અધ્યારુ હોસ્પિટલમાં ફરજ બજાવતા હરદીપસિંહ જેઠવા દ્વારા બપોરના 02:00 કલાકે સદગતના નેત્રનું કલેક્શન કરવામાં આવ્યું હતું.અને આજના ચક્ષુનો સ્વિકાર દિવ્યેશભાઈ ઘેરવડા અને કેતનભાઈ ભાદરકા દ્વારા કરવામાં આવ્યો છે.આ સમયે તેમના કુટુંબીજનો અને સગા સ્નેહીજનો ઉપસ્થિત રહી સહકાર આપેલ.

સ્વર્ગસ્થ ભાવનાબેનના બંન્ને ચક્ષુ ડૉ.થાનકી સાહેબની મુનિ સંત બાલાજી આઈ બેંક અને હોસ્પિટલ વેરાવળ,જિ.ગીર સોમનાથને કરશનભાઈ વાજા દ્વારા પહોંચાડવામાં આવ્યાં હતાં.

કોટેચા પરિવારના ચક્ષુદાનના આ વિચારને શિવમ્ ચક્ષુદાન-આરેણા બિરદાવે છે અને સ્વ.ભાવનાબેનને શ્રધ્ધાંજલી અર્પે છે.

આ પરિવાર દ્વારા થયેલ આ ચક્ષુદાને આપણા પૂરાણોમાં થયેલા દાન ધર્મના મહિમાને ખરા અર્થમાં સાર્થક કર્યો છે.

કોટેચા પરિવાર દ્વારા થયેલ આ મહાદાનને શિવમ્ ચક્ષુદાન ગૃપ-આરેણા,માંગરોળ જાયન્ટ્સ ગૃપ,વંદેમાતરમ્ ગૃપ-માંગરોળ,સ્વ.લક્ષ્મણભાઈ એ.નંદાણિયા વિવિધલક્ષી સેવાકીય ટ્રસ્ટ-માંગરોળ,સંજીવની નેચર ફાઉન્ડેશન-માંગરોળ,શ્રી ડુગરગુરુ સ્થાનક વાસી જૈન યુવક મંડળ જુનાગઢ,માંગરોળ તાલુકાના પત્રકારમિત્રો,ઈન્ડિયન વુમન રાઈટ્સ એસોસિયેશન-માંગરોળ દ્વારા બિરદાવવામાં આવે છે.અને આપના પરિવાર પર આવી પડેલ મુશ્કેલીને સહન કરવાની શક્તિ પ્રભુ આપને આપે તેવી પ્રાર્થના કરીએ છીએ. તેમજ સ્વર્ગસ્થ ભાવનાબેનના આત્માને શ્રી કૃષ્ણના ચરણોમાં સ્થાન મળે તે પ્રાર્થના સહ શ્રધ્ધાંજલી....

सांकलन नाथा भाई नंदनिया जी
रिपोर्टर सुदीप गढ़िया
9909622115

આ પ્રકારના તમામ સમાચાર માટેે App ડાઉનલોડ કરો.