અમદાવાદના મણીનગરમાં સિંધી સમાજ દ્વારા ભવ્ય ચેટી ચંદ ઉજવણી!
આજે મણીનગર ખાતે સિંધી સમાજના ઇષ્ટદેવ ભગવાન ઝૂલેલાલજીના જન્મદિવસ, જેને ચેટી ચાંદ અથવા ચેટી ચંડ તરીકે ઓળખવામાં આવે છે,ની ભવ્ય ઉજવણી કરવામાં આવી. મણીનગર સિંધી સમાજ યુવક મંડળ અને ચેટી ચંદ કમિટીના અગ્રણીઓના નેતૃત્વ હેઠળ, રથયાત્રા સમાન ભવ્ય શોભાયાત્રા યોજાઈ, જેમાં મોટી સંખ્યામાં ભક્તોએ ભાગ લીધો.
વિશેષરૂપે સજાવવામાં આવેલ રથમાં ભગવાન ઝૂલેલાલજીની મૂર્તિ સ્થાપિત કરીને, ભક્તિસભર ભજન-સંકીર્તન અને જયઘોષ વચ્ચે સમગ્ર વિસ્તારમાં રથયાત્રા કાઢવામાં આવી. શોભાયાત્રાના માર્ગ પર ભક્તોએ આદરભેર પૂજન-અર્ચન કર્યું અને આશીર્વાદ મેળવ્યા.
આ પ્રસંગે સમૂહભોજન અને પ્રસાદ વિતરણનું પણ આયોજન કરવામાં આવ્યું હતું, જેમાં મોટી સંખ્યામાં સિંધી ભાઇઓ-બહેનો તથા અન્ય શ્રદ્ધાળુઓએ લાભ લીધો. સમગ્ર કાર્યક્રમ હર્ષોઉલ્લાસ અને ભક્તિભાવથી ઓતપ્રોત રહ્યો.
સિંધી સમાજ માટે ચેટી ચંદ માત્ર નવું વર્ષ જ નહીં, પણ ભક્તિ અને સંસ્કૃતિનું પાવન પ્રતીક છે. આ ભવ્ય ઉજવણી સંસ્કૃતિની મહેક ફેલાવતી, સૌમાં એકતા અને ભક્તિભાવ વધારતી રહી હતી.
સૌરાંગ ઠકકર
અમદાવાદ જીલ્લા બ્યુરો ચીફ
9586241119
આ પ્રકારના તમામ સમાચાર માટેે
App ડાઉનલોડ કરો.