અમદાવાદમાં ચેઈન સ્નેચિંગની ઘટનામાં ચોંકાવનારો ખુલાસો: પૂર્વ ધારાસભ્યનો પુત્ર નીકળ્યો આરોપી
અમદાવાદ શહેરમાં ચેઈન સ્નેચિંગની એક ઘટનાએ સૌને ચોંકાવી દીધા છે. ઘાટલોડિયા પોલીસે ચેઈન સ્નેચિંગના ગુનામાં એક આરોપીની ધરપકડ કરી છે, જે મધ્ય પ્રદેશના પૂર્વ ધારાસભ્યનો પુત્ર હોવાનું સામે આવ્યું છે. આરોપીએ અમદાવાદમાં રહેતી પોતાની ગર્લફ્રેન્ડના મોજશોખ પૂરા કરવા માટે આ ગુનો કર્યો હોવાની કબૂલાત કરી છે.
પોલીસના જણાવ્યા અનુસાર, આરોપીનું નામ પ્રધુમનસિંહ ચંદ્રાવત છે અને તે મૂળ મધ્ય પ્રદેશનો રહેવાસી છે. પ્રધુમનસિંહ કોંગ્રેસના પૂર્વ ધારાસભ્ય વીરેન્દ્રસિંહ ચંદ્રાવતનો પુત્ર છે. પ્રધુમનસિંહ અમદાવાદમાં નોકરી કરે છે અને થલતેજમાં એક પીજીમાં રહે છે.
પોલીસે વધુમાં જણાવ્યું કે, પ્રધુમનસિંહને અમદાવાદની એક યુવતી સાથે પ્રેમ સંબંધ હતો. યુવતીના મોજશોખ પૂરા કરવા માટે તેને પૈસાની જરૂર હતી, જેના કારણે તેણે ચેઈન સ્નેચિંગ કરવાનો પ્લાન બનાવ્યો હતો. પોલીસે પ્રધુમનસિંહની ધરપકડ કરી છે અને તેની વધુ પૂછપરછ ચાલુ છે.
આ ઘટનાએ સૌને આશ્ચર્યમાં મૂકી દીધા છે. એક પૂર્વ ધારાસભ્યનો પુત્ર આવી રીતે ગુનામાં સંડોવાયેલો હોવાની વાતથી લોકો આશ્ચર્યચકિત છે. પોલીસે આ મામલે વધુ તપાસ હાથ ધરી છે અને આરોપી પાસેથી વધુ માહિતી મેળવવાનો પ્રયાસ કરી રહી છે.
સૌરાંગ ઠકકર
અમદાવાદ જીલ્લા બ્યુરો ચીફ
9586241119
આ પ્રકારના તમામ સમાચાર માટેે
App ડાઉનલોડ કરો.