બખરલા ગામે મહેરાણીઓએ રાસગરબા અને ભાઈઓએ મણીયારા રસની રમઝટ બોલાવી હોળી મહોત્સવની કરાઈ રહી છે ઉજવણી

હોળી મહોત્સવના પડવા પાળી મહેર સમાજના બહેનો અને ભાઈઓ ટ્રેડિશનલ પોશાક મા રાસ ગરબા અને મણીયારા રાસ રમઝટ બોલાવી ઉજવી રહ્યા છે હોળી મહોત્સવ

ગોસા(ઘેડ) : ૧૬/૦૩/૨૦૨૫

પોરબંદર ના બરડા પંથકમાં આવેલ બખરલા ગામ ભારતીય સંસ્કૃતિ ની પ્રણાલી હજુ પણ એકબંધ છે. અહીં ભારતીય સંસ્કૃતિ મુજબ દરેક વાર તહેવાર ઉજવાય છે. પોરબંદર જિલ્લામાં બખરલા એક ગામ એવું છે કે ત્યાં હોળી ઘૂળેટીના ત્રણ પડવા પાળી મહેર સમાજના ભાઈઓ અને બહેનો માં ૫ વર્ષથી લઈને ૭૫ વર્ષ સુધીના લોકો મહેર સમાજના અસલી પહેરવેશમાં રાસ ગરબા અને મહેરના શૌર્યભેર રમતા મણીયારા રાસની રમઝાટ બોલાવતા હોય છે.

બખરલા ગામે સરપંચ અરશી ભાઈ ખૂંટી ના મારદર્શન અને આગેવાની હેઠળ સમસ્ત ગામ દ્વારા વર્ષ દરમ્યાન આવતા તહેવારો માં ખાસ કરીને હોલિકા મહોત્સવ, જન્માષ્ટમી(સાતમ આઠમ) નો તહેવાર તેમજ નવલા નવરાત્રી નો તહેવાર ભારે ઉમંગ, હર્ષ, ગામની એકતા ભાઈચારાની ભાવના અને સંપ થી ઉજવાતા હોય છે.

ત્યારે દર વર્ષની જેમ આ સાલ પણ પરંપરા ગત હોલિકા મહોત્સવ ૨૦૨૫ ભારે ધામધૂમ થી ઉજવવા નું આયોજન કરવામાં આવેલ છે.

સવંત ૨૦૮૧ ફાગણ સુદ ૧ને તા ૧૪/૦૩/૨૦૨૫ થી તા. ૧૬/૦૩/ ૨૦૨૫ સુધી ત્રણ દિવસના હોળી મહોત્સવ પડવા પાળવાના ભવ્ય અને દિવ્ય આયોજનમાં સરપંચ અરશીભાઈ ખૂંટી, ગૌશાળા સમિતિ અને સમસ્ત બખરલા ગામ દ્વારા પૂરા સહયોગથી કરવામાં આવ્યું છે.

આ હોળીના મહોત્સવમાં ત્રણ પડવા ઉજવવામાં આવે છે. પહેલા પડવેથી મહેર સમાજના બહેનો અસલી ટ્રેડિશનલ પહેરવેશ પહેરી લાખો રૂપિયાના ઘરેણાં પરિધાન કરી ને રાસગરબા રમે છે. જયારે મહેર સમાજનો ખ્યાતનામ મણીયારા દાંડિયા રાસની રમઝટ મહેર ભાઈઓ પોતાના અસલી પહેરવેશમાં સફેદ ચોરણી આંગણી અને ભેઠાઈ સાથે માથે આંટીયાળી પાઘડી બાંધી ઢોલ સરણાઈ ના તાલે અને નામી કલાકારો ના શૂરથી ગવાતા મણીયારા ના તાલે નરબંકા યોદ્ધાઓ દાંડિયા રાસ રમી ધરા ધ્રુજાવી રહ્યા છે.

પહેલા પડવે તારીખ. ૧૪/૦૩/ ૨૦૨૫ ને શુક્રવાર વારના રોજ બપોરના ૪ કલાક બાદ યોજાયેલ ભવ્ય રાસ ગરબા અને દાંડિયા રાસમાં નામી કલાકાર ગાયકોમાં લખણશી ભાઈ આંત્રોલીયા, સાજણભાઈ ગઢવી, ધનશ્યામ ભાઈ અગ્રાવત અને બખરલા જ ગામના નામી ગાયિકા એવા સ્વેતાબેન ગોઢાણીયા (ખૂંટી) એ પોતાના મધુર કંઠે મણીયારો રાસ પીરસી ને રાસ ગરબા અને દાંડિયારાસ રમતા ખેલૈયાઓને શૂરાતન ચડાવ્યું હતું.

ગઈ કાલે બીજા પડવે તા.૧૫/૦૩/૨૦૨૫ ને શનિવાર વારના રોજ બપોરના ૪ કલાક બાદ યોજાયેલ ભવ્ય દાંડિયારાસમાં મહેર સમાજ ના ઉભરતા નામી કલાકાર ગાયકોમાં આદિત્યણાના ડેવિન ઓડેદરા, નવાગામ (રાજપર)ના મેરાણભાઈ ઓડેદરા, નિમીષા બેન મોઢા, મનસુખગીરી ગોસ્વામી અને ધનશ્યામભાઈ અગ્રાવત સહિતના કલાકારો એ રાસ ગરબા તેમજ મણીયારા રાસ પીરસ્યો હતો. જેમાં વિદેશથી આવેલા મહેર ભાઈઓએ પણ મણીયારા રસની રમઝટ બોલાવી હતી. જયારે રમતના અંતમાં મહેર સમાજનાં ભાઈઓએ તલવાર અને લાઠી બાજી નાં દાવ ખેલી ઉપસ્થિત લોકોને મનોરંજન પુરૂ પાડે છે.

ગઈ કાલે બીજા પડવાની ઉજવણી નાં પ્રસંગે દાંડિયા રસની રમઝટની મોજ માણવા પોરબંદર નાં ધારાસભ્ય અર્જુનભાઈ મોઢવાડીયા, પૂર્વ કેબિનેટ મંત્રી અને પોરબંદર નાં પૂર્વ ધારાસભ્ય બાબુભાઈ બોખીરીયા, ઈન્ટર નેશનલ મહેર સુપ્રીમ કાઉન્સિલ નાં પ્રમુખ વિમલજીભાઈ ઓડેદરા અને ઉપ પ્રમુખ નવધણભાઈ મોઢવાડીયા પણ ઓરીજનલ મહેર સમાજના પોશાક મા તેમજ ઉપપ્રમુખ બચુભાઈ આંત્રોલીયા, મહેર મહિલા અગ્રણી હિરલબા જાડેજા, છત્રાવા વાછારા ડાડાનાં ભુવા આતા રણજીત આતા, મહેર અગ્રણી સામતભાઈ ઓડેદરા (રાણાવાવ), રામદેવભાઈ મોઢવાડીયા, પોરબંદર જિલ્લા કોંગ્રેસ નાં પ્રમુખ રાજુભાઈ ઓડેદરા, અરજનભાઇ ખિસ્ત રીયા, રામભાઈ મેપા ઓડેદરા, સામતભાઈ ઓડેદરા, સરકારી કર્મચારીઓ, નૌકાદળ ના હવાઈ એન્કલવ પોરબંદર ના ઈન્ચાર્જ કપ્તાન વિવેક પ્રસાદ, કમાન્ડર ઓફિસર રાહુલ ઉપાધ્યાય સહિત ના રાજકીય નેતાઓ,મહેર સમાજ નાં અગ્રણીઓએ ઉપસ્થિત રહી ખેલૈયાઓને પ્રોત્સાહન પુરૂ પડ્યું હતું.

રિપોર્ટર :-વિરમભાઈ કે.આગઠ

આ પ્રકારના તમામ સમાચાર માટેે App ડાઉનલોડ કરો.