રામોલમાં ખુલ્લી તલવાર સાથે નૃત્યનો આતંક: ચાર શખ્સોની ધરપકડ, વીડિયો વાયરલ થતાં પોલીસ હરકતમાં
અમદાવાદના રામોલ પોલીસ સ્ટેશન વિસ્તારમાં એક ચોંકાવનારો ઘટના બની છે, જ્યાં ખુલ્લી તલવારો સાથે એક બર્થ-ડે પાર્ટીમાં નૃત્ય કરતાં ચાર શખ્સોનો વીડિયો સોશિયલ મીડિયા પર વાયરલ થયો હતો. આ વીડિયો વાયરલ થતા રામોલ પોલીસ એક્શન મોડમાં આવી ગઈ અને આરોપીઓની ધરપકડ કરી.
વિડીયોમાં ચાર શખ્સો ખુલ્લી તલવારો લઈને બર્થ-ડે પાર્ટીમાં ડાન્સ કરતા નજરે પડ્યા. આ વિડીયોમાં એક શખ્સ એક હાથમાં તલવાર અને બીજા હાથમાં નાનું બાળક લઈ નૃત્ય કરી રહ્યો હતો. આ વીડિયો સોશિયલ મીડિયા પર ખૂબ જ ઝડપથી વાયરલ થતાં લોકોએ આશ્ચર્ય અને રોષ વ્યક્ત કર્યો હતો.
વાયરલ વીડિયોને આધારે રામોલ પોલીસ હરકતમાં આવી ગઈ હતી અને ચારેય શખ્સો સામે કાયદેસર કાર્યવાહી કરી. ધરપકડ કરાયેલા શખ્સોમાં નાસીરખાન પઠાણ, ફેજલખાન પઠાણ અને બાબાખાન પઠાણના નામ સામે આવ્યા છે. પોલીસ તપાસ દરમિયાન ચારેય શખ્સો પાસે રહેલા હથિયારો કબ્જે કરી લેવા આવી છે.
પોલીસે ના માત્ર આ શખ્સોની ધરપકડ કરી, પરંતુ તેઓને જાહેરમાં માફી માંગવા માટે પણ મજબુર કર્યા. આ શખ્સોએ પોતાના આકરા પગલાં માટે માફી માંગી છે, અને તેમના માફી માંગવાના વિડિયોને પણ સોશિયલ મીડિયા પર પોસ્ટ કરવામાં આવ્યા છે.
આ ઘટના રામોલમાં વધતા અસામાજિક તત્વોની એક ચેતવણીરૂપ છે કે હવે કોઈપણ પ્રકારની ગુનાખોરી સહન કરવામાં નહીં આવે. રામોલ પોલીસની આ કાર્યવાહી ખૂબ પ્રશંસનીય રહી છે, જે સંકેત આપે છે કે ન્યાય અને સુરક્ષામાં કોઈ સંધિ નહીં કરવામાં આવે.
આ પ્રકારના કિસ્સા સમાજ માટે એક મજબૂત સંદેશ આપે છે કે કાયદાના ભંગના વલણ પર તાત્કાલિક પગલાં લેવાશે.
સૌરાંગ ઠકકર
અમદાવાદ જીલ્લા બ્યુરો ચીફ
9586241119
આ પ્રકારના તમામ સમાચાર માટેે
App ડાઉનલોડ કરો.