જામનગરમાં સેવા સેતુ કાર્યક્રમનો પ્રારંભ, હજારો લોકો મેળવશે લાભ
જામનગરમાં સેવા સેતુ કાર્યક્રમનો પ્રારંભ, હજારો લોકો મેળવશે લાભ
જામનગર મહાનગરપાલિકા દ્વારા આયોજિત સેવા સેતુ કાર્યક્રમ આજે ટાઉન હોલ ખાતે શરૂ થયો છે. શહેરના વોર્ડ નંબર 1 થી 8 ના રહેવાસીઓને ઘરઆંગણે સરકારી યોજનાઓનો લાભ મળે તે હેતુથી આ કાર્યક્રમનું આયોજન કરવામાં આવ્યું છે. મહાનગરપાલિકાના મેયર વિનોદ ખિમસૂર્યાએ દીપ પ્રગટ્ય કરીને કાર્યક્રમનો પ્રારંભ કરાવ્યો હતો. ડેપ્યુટી મેયર, સ્ટેન્ડિંગ કમિટીના ચેરમેન, મનપા કમિશનર સહિત અન્ય અધિકારીઓ પણ આ પ્રસંગે ઉપસ્થિત રહ્યા હતા.
આ કાર્યક્રમમાં નાગરિકોને આધાર કાર્ડ, રાશન કાર્ડ, જન્મ-મરણ નોંધણી, વિવિધ પ્રમાણપત્રો જેવી સેવાઓ મળી રહી છે. આ ઉપરાંત, વિવિધ સરકારી યોજનાઓની માહિતી પણ નાગરિકોને આપવામાં આવી રહી છે. લોકોને તેમના કામનું સ્થળ પર જ નિરાકરણ મળે તે માટે તમામ જરૂરી વ્યવસ્થા કરવામાં આવી છે.
બે દિવસ સુધી ચાલનારા આ કાર્યક્રમમાં બહોળી સંખ્યામાં લોકો ઉપસ્થિત રહ્યા છે. લોકોએ આ કાર્યક્રમની પ્રશંસા કરતાં જણાવ્યું હતું કે, આવા કાર્યક્રમોથી સામાન્ય લોકોને ઘણી સુવિધા થાય છે. મહાનગરપાલિકા દ્વારા આવા કાર્યક્રમોનું આયોજન કરવામાં આવતું રહે તેવી તેમણે માંગ કરી હતી.
મેયર વિનોદ ખિમસૂર્યાએ જણાવ્યું હતું કે, શહેરના નાગરિકોને સરળતાથી સરકારી સેવાઓ મળી રહે તે માટે મહાનગરપાલિકા સતત પ્રયત્નશીલ છે. સેવા સેતુ કાર્યક્રમ આ દિશામાં એક મહત્વનું પગલું છે. આગામી દિવસોમાં પણ આવા કાર્યક્રમોનું આયોજન કરવામાં આવશે.
8000003352
આ પ્રકારના તમામ સમાચાર માટેે
App ડાઉનલોડ કરો.