વિસાવદર કોર્ટ મા યોજાયેલ નેશનલ લોક અદાલત મા 298કેસો નો ન્યાયિક નિકાલ

વિસાવદર કોર્ટમાં યોજાઈ નેશનલ લોક અદાલત: એકજ દિવસમાં કરાયો ચાર કરોડ કરોડ બાસઠ લાખ અડસઠ હજાર છસ્સો ચોવીસ રૂપિયાના ઐતિહાસિક ૨૯૮ કેસોનો ન્યાયિક નિકાલવિસાવદરમાં તા.૦૮/૦૩/૨૫ના રોજ નાલ્સાની ગાઈડ લાઇન મુજબ વિસાવદર કોર્ટ બિલ્ડીંગ ખાતે કોર્ટના મુખ્ય દીવાનીન્યાયાધીશ અને તાલુકા કાનુની સેવા સમિતિના ચેરમેનશ્રી એસ.એસ.ત્રિવેદી સાહેબના માર્ગદર્શન હેઠળ આ વર્ષની પ્રથમ નેશનલ લોક અદાલતનું આયોજન કરવામાં આવેલ હતું. જેમાં લીટીગેશન અને પ્રિલિટીગેશન સહિતના કુલ રૂપિયા ચાર કરોડ બાસઠ લાખ અડસઠ હજાર છસ્સો ચોવીસ રૂપિયાપુરાના ૨૯૮ કેસોમાં પક્ષકારો હાજર રહેલા હતા અને ૨૯૮ કેસોનો સુખદ નિકાલ થતાં લોક અદાલતનું ૧૦૦% પરિણામ પ્રાપ્ત થયુ હતું. જેમાં સ્પેશિયલ સિટિંગના કુલ ૫૮ કેસોમાં રૂપિયા ૧૧૬૦૦/-નો દંડ વસુલ કરવામાં આવેલ હતો જે મળીને સિવિલ કોર્ટના ચાલુ ૧૮૫ કેસોનો નિકાલ કરવામાં આવેલ તથા ૫૭ પ્રિલિટીગેશનના અને ફેમિલી કોર્ટ તથા એડિશનલ ડિસ્ટ્રીકટ કોર્ટના મળી કુલ ૨૯૮ કેસોનો ઐતિહાસિક ન્યાયિક નિકાલ થતાં વિસાવદર કોર્ટમાં લોક અદાલતનું ઐતિહાસિક રેકોર્ડબ્રેક પરિણામ આવ્યું હતું.આ લોક અદાલતમાં વિસાવદર બાર એસોસિએશનના સિનિયર ધારાશાસ્ત્રી દિનેશભાઇ શાહ,ભાસ્કરભાઈ જોશી, નયનભાઇ જોશી, અશ્વિનભાઈ દુધરેજીયા, સમીરભાઈ પટેલ,સીરાજભાઈ માડકીયા, વિજયભાઈ જેઠવા, કમલેશભાઈ જોશી, એચ.કે. સાવલિયા, રમેશભાઈ ધાંધલ,ઉદયસિંહ દાહીમાં તથા સ્ટેટ બેન્ક, યુનિયન બેન્ક, બેન્ક ઓફ બરોડા તથા પી.જી.વી.સી.એલની જુદી જુદી કચેરીઓના અધિકારીઓ તથા કર્મચારીઓ મોટી સંખ્યામાં હાજર રહેલા અને પક્ષકારોને સમજાવટ કરી લોક અદાલતને સફળ બનાવવા માટે મહત્વનો ફાળો આપેલ હતો. વિસાવદર તાલુકા કાનૂની સેવા સમિતિના સેક્રેટરી ચંદુભાઈ ભટ્ટી, અનુપભાઈ વાઘેલા, સુધીરભાઈ ચાવડા, તથા તમામ કોર્ટ સ્ટાફે લોક અદાલતને સફળ બનાવવા માટે ભારે જહેમત ઉઠાવેલ હતી. આ પ્રસંગે સવારના ૧૦-૩૦ કલાકે દીપ પ્રાગટય કરી લોક અદાલતને ખુલ્લી મુકવામાં આવેલ હતી ત્યારથી પક્ષકારોની મોટા પ્રમાણમાં હાજરી અને ઉત્સાહ ઉડીને આંખે વળગે તેવી હતી. મુખ્ય દિવાની ન્યાયાધીશ શ્રી એસ.એસ. ત્રિવેદી સાહેબે આ પ્રસંગે લોક અદાલતનું લોકો માટે મહત્વ અને સમાજ માટે સમાધાનનું મહત્વ સમજાવતું ઉદ્દબોધન કરેલ હતું તેમજ એડી. સેશન્સ જજ શ્રી જે. એલ.શ્રીમાળી સાહેબે લોક અદાલત વિશે માહિતી આપેલ. વિસાવદર કોર્ટમાં આજની લોક અદાલતને સફળ બનાવવા છેલ્લા બે માસથી અત્રેની કોર્ટના ન્યાયાધીશશ્રીઓ તથા વકીલશ્રીઓ દ્વારા કરવામાં આવેલ પ્રયાસોથી આજનું રેકોર્ડ બ્રેક પરિણામ પ્રાપ્ત થયેલ હતું

રિપોર્ટ હરેશ મહેતા વિસાવદર

આ પ્રકારના તમામ સમાચાર માટેે App ડાઉનલોડ કરો.