પંચમહાલ જિલ્લામા નવીન વાહનો માટે ૦૦૦૧ થી ૯૯૯૯ સુધીની સિરીઝ લેવા અરજીઓ મંગાવવામાં આવી

ગોઘરા

પંચમહાલ જિલ્લાની મોટરીંગ પબ્લીકને જણાવવામાં આવે છે કે, પ્રાઇવેટ સ્કુટર/મોટર સાયકલ વાહનો માટે તા.૧૮/૧૦/૨૦૧૨ના રોજ જીજે-૧૭ સીડી ૦૦૦૧ થી ૯૯૯૯ સુધીના નંબરની નવી નોન ટ્રાન્સપોર્ટ સીરીઝ શરૂ કરવામાં આવનાર છે, જેમાં પસંદગીના નંબરો મેળવવા માંગતા અરજદારોએ ઓનલાઇન અરજી કરવાની રહેશે. અરજી કરવાની તારીખ-૧૩/૧૦/૨૦૨૨ સાંજના ૦૪:૦૦ કલાકેથી તા.૧૫/૧૦/૨૦૨૨ સાંજે ૦૩:૫૯ કલાક સુધીનો સમય રહેશે. અને બીડીંગ તા.૧૫/૧૦/૨૦૨૨ ના સમય સાંજના ૦૪:૦૦ કલાકથી તા.૧૭/૧૦/૨૦૨૨ સાંજના ૦૪:૦૦ કલાક સુધીનો રહેશે. ત્યારબાદ તા.૧૮/૧૦/૨૦૨૨ ના રોજથી પસંદગીના નંબરોની ફાળવણી કરવામાં આવશે. સદર પસંદગીના નંબરોની અરજી કરવા માટે વેબસાઇટ https://parivahan.gov.in/fancy/ છે. પસંદગીનો નંબર મેળવવા ઇચ્છતા અરજદારોએ તેઓના વાહનનો કર ભર્યા તારીખથી દિન-૭ (સાત)ની અંદર ઉપરોકત દર્શાવેલ વેબસાઇટ ઉપર જઇ CNA ફોર્મ ભરવું ફરજીયાત છે. જો અરજદાર સદર CNA ફોર્મ ભરવાનું ચૂકી જશે તો પસંદગીનો નંબર મેળવવા માટે યોગ્યતા ધરાવશે નહી.જેની ખાસ નોંધ લેવા જણાવવામાં આવે તેમ ઇ.ચા.પ્રાદેશિક વાહન વ્યવહાર અધિકારીશ્રી ગોધરા એક અખબારી યાદીમાં જણાવેલ છે.

રિપોર્ટ વિનોદ પગી પંચમહાલ

આ પ્રકારના તમામ સમાચાર માટેે App ડાઉનલોડ કરો.