બેડી પુલ પાસે કીયા સોનેટ કાર રેઢી મુકી બુટલેગર ફરાર, દારૂની 316 બોટલ, બિયરના 72 ટીન મળ્યા

પીસીબીની ટીમે દરોડો પાડતા બેડી પુલ પાસે કીયા સોનેટ કાર રેઢી મુકી બુટલેગર ફરાર થઈ ગયો હતો. કારમાંથી દારૂની 316 બોટલ અને બિયરના 72 ટીન મળ્યા હતા. દારૂ ક્યાંથી આવ્યો? ક્યાં જતો હતો? તપાસનો ધમધમાટ પોલીસે શરૂ કર્યો છે. હાલ કાર સહિત રૂ.7.33 લાખનો મુદ્દામાલ કબ્જે કરાયો છે.
પી.સી.બી. સ્ટાફના માણસો પેટ્રોલીંગમાં હતા જે દરમ્યાન પો.કોન્સ. કુલદીપસિંહ જાડેજા તથા વિજયભાઇ મેતા તથા યુવરાજસિંહ રાણાને મળેલ સયુંકત હકીકત આધારે બેડી ચોકડીથી માધાપર ચોકડી તરફ જતા બેડી પુલના વળાંક પાસે રોડની નીચેના ભાગેથી કીયા સોનેટ કારમાંથી ઇંગ્લીશ દારૂનો જથ્થો પકડી પાડવામાં આવ્યો હતો. પોલીસની ભણક લાગી જતા આરોપી કાર મૂકી ભાગી ગયા હતા.
જી.જે.15.સી.કે.6403 નંબરની કારમાંથી દારૂની 316 બોટલ જેની કિ.રૂા.1,26,400 અને બિયરના 72 ટીન જેની કિંમત.રૂા.7200 ઉપરાંત કારની કિંમત 6 લાખ ગણી રૂા.7,33,600નો મુદામાલ કબ્જે કરાયો હતો.આ કામગીરીમાં પીઆઈ એમ.આર.ગોંડલીયા, પીએસઆઇ એમ.જે.હુણ, એ.એસ.આઇ. હરદેવસિંહ રાઠોડ, સંતોષભાઇ મોરી, પો.કોન્સ. કુલદીપસિંહ જાડેજા, વિજયભાઇ મેતા, યુવરાજસિંહ રાણા રોકાયેલા હતા.

આ પ્રકારના તમામ સમાચાર માટેે App ડાઉનલોડ કરો.