ઓમ પુરી સાથે બ્રેકઅપ, વિધુ વિનોદ ચોપરા સાથે પ્રેમ….!:સીમા કપૂરે વર્ષો પછી પર્સનલ લાઈફના કેટલાંક ચેપ્ટર પર પ્રકાશ પાડ્યો

દિવંગત એક્ટર ઓમ પુરીની એક્સ પત્ની સીમા કપૂરે તાજેતરમાં ખુલાસો કર્યો છે કે એક સમયે વિધુ વિનોદ ચોપરાએ તેમને લગ્ન માટે પ્રપોઝ કર્યું હતું. જોકે, તેમણે આ પ્રપોઝલને નકારી કાઢ્યું હતું. તેમણે એમ પણ કહ્યું કે- તે અને વિધુ રિલેશનશિપમાં હતા પરંતુ તેમનું ઓમ પુરી સાથે બ્રેકઅપ થઈ ગયું હતું અને વિધુ વિનોદ ચોપરાનું પણ તેની ગર્લફ્રેન્ડ સાથે બ્રેકઅપ થઈ ગયું હતું. જોકે, કોઈ ડરને કારણે તેમણે લગ્ન કરવાનો ઇનકાર કરી દીધો. તાજેતરમાં, સિદ્ધાર્થ કન્નનને આપેલા એક ઇન્ટરવ્યૂમાં, સીમા કપૂરે જણાવ્યું છે કે- તેઓ ઓમ પુરી સાથે 11 વર્ષથી રિલેશનશિપમાં હતા. જોકે, એક સમયે બંનેનું બ્રેકઅપ થઈ ગયું. બ્રેકઅપ પછી, વિધુ વિનોદ ચોપરા તેમનો સહારો બન્યા અને એક સમયે, બંને રિલેશનશિપમાં બંધાયા. એક દિવસ, દરિયા કિનારે બેઠા હતા ત્યારે, વિધુ વિનોદ ચોપરાએ તેમને લગ્ન માટે પ્રપોઝ કર્યું. વિધુ વિનોદ એક કાગળ પર લખ્યું હતું- શું તમે મને પ્રેમ કરો છો? સીમાએ પેપરમાં હા લખી મોકલાવ્યું. તેમણે આગળ લખ્યું- શું તમે મારી સાથે લગ્ન કરશો? આના પર સીમાએ લખ્યું- ના. સીમાએ કહ્યું- લગ્ન માટે ના પાડી હોવા છતાં, બંને વચ્ચેની મિત્રતા અકબંધ રહી. તે સમયે, તેમણે પોતાના ઇનકારનું કારણ આપ્યું ન હતું. જોકે, વર્ષો પછી, તેમણે પોતાની જીવનચરિત્રમાં આ વાતનો ખુલાસો કર્યો. સીમાએ વાતચીતમાં જણાવ્યું છે કે- તેમણે ઓમ પુરી સાથેના તેમના સંબંધો વિશે ઘણી વાતો વિધુ વિનોદ ચોપરાથી છુપાવી હતી. તેમણે ક્યારેય ખુલાસો કર્યો નહીં કે તેમના સંબંધો આટલા આગળ વધી ગયા છે. તેમને ડર હતો કે આનાથી ભવિષ્યમાં તેમના માટે સમસ્યાઓ ઊભી થશે, જેના કારણે તેમણે લગ્ન કરવાની ના પાડી હતી. વિધુ વિનોદ ચોપરાથી બ્રેકઅપ થયા પછી, જ્યારે સીમા કપૂરના પિતાનું અવસાન થયું, ત્યારે ઓમ પુરી ફરીથી તેમની નજીક આવ્યા અને બંનેએ લગ્ન કરી લીધા. આ લગ્ન થોડા મહિનામાં જ તૂટી ગયા કારણ કે સીમાને ખબર પડી કે ઓમ પુરી તેમની સાથે ચીટ કરી રહ્યા છે.

આ પ્રકારના તમામ સમાચાર માટેે App ડાઉનલોડ કરો.