રાજકોટમાં તસ્કરો બેફામ : મકાનમાંથી ૯.૭૬ લાખની ચોરી, શો રૂમમાંથી ચાર લાખની તસ્કરી

શહેરમાં અલગ-અલગ બે સ્થળોએ ચોરીની ઘટના બની છે.

ચોરીના પ્રથમ બનાવમાં શહેરના એસ્ટ્રોન ચોક નજીક આવેલા સરદારનગરમાં રહેતા જીતેશભાઇ લક્ષ્મીદાસ લાખાણી નામના લોહાણા વેપારીનો ધર્મેન્દ્ર રોડ, ૨-કડીયા નવ લાઇનમાં નોવેલ્ટી ફેબ્રીકસ નામના શો રૂમ આવેલો છે.જેમાં બેબી આઇટમનો હોલસેલ વેપાર કરે છે.આ શો રૂમમાં તે તથા તેમના ભાઇ ઉર્મીલભાઇ બેસે છે.તેમને આ સિવાય અન્ય બે શો રૂમ આવેલા છે.ત્રણેય શો રૂમના હીસાબની રકમ સાંજે અહીં આ શો રૂમમાં રાખે છે.તા. ૧૪/૮ ના શો રૂમ બંધ કરીને ગયા બાદ તા.૧૫/૮ ના શો રૂમ પર આવતા અહીં કાઉન્ટરના ડ્રોઅરમાં રાખેલી હીસાબની રકમ કોઇ ચોરી કરી ગયું હોવાનું માલુમ પડયું હતું.જેથી તેમણે
આ અંગે એ.ડિવિઝન પોલીસ મથકમાં ફરિયાદ નોંધાવી છે.
અન્ય એક બનાવમાં નિલકંઠ સિનેમા પાછળ આવેલા નિલકંઠ પાર્કમા સી-૪/૧૪ માં રહેતા એડવોકેટ આનંદભાઇ ગુણવંતભાઇ પરમારના એક દિવસ માટે બંધ રહેલા મકાનને તસ્કરોએ નિશાન બનાવી અહીંથી રોકડ-દાગીન સહિત કુલ રૂ.૯.૭૬ લાખની મત્તા ઉઠાવી ગયા હતાં.જે અંગે ભકિતનગર પોલીસ મથકમાં ફરિયાદ કરવામાં આવતા પોલીસે ગુનો નોંધી તપાસ હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.