પોરબંદરની ખેડૂત પુત્રી જયા ઓડેદરા KBCમાં પસંદગી પામી

પોરબંદરની ખેડૂત પુત્રી જયા ઓડેદરા KBCમાં પસંદગી પામી
◆◆◆◆◆◆◆◆◆
19 સપ્ટેમ્બરે અમિતાભ બચ્ચન સાથે હોટ સીટ પર જોવા મળશે
◆◆◆◆◆◆◆◆
કૌન બનેગા કરોડપતિ શો જોવા પોરબંદરની જનતાને અપીલ

અમિતાભ બચ્ચનનો વિશ્વ વિખ્યાત શો કૌન બનેગા કરોડપતિ KBCમાં પોરબંદર જિલ્લાના શીશલી ગામની ખેડૂત પુત્રીની પસંદગી થતા સમગ્ર પોરબંદર વિસ્તારમાં ખુશીની લાગણી પ્રસરી ગઈ છે.

પોરબંદર નજીકના શીશલી ગામે પિતાના ખેતી વ્યવસાયમાં મદદ કરતા કરતા કોમ્પ્યુટર એન્જિનિયરનો અભ્યાસ પૂર્ણ કરી હાલ સ્પર્ધાત્મક પરીક્ષાઓની તૈયારીઓ કરતી જયાબેન ઓડેદરાએ અમિતાભ બચ્ચન દ્વારા ચલાવવામાં આવતા kbc કૌન બનેગા કરોડપતિ શો માં એપ્લિકેશન કરી હતી. આ શોમાં તેમના તમામ ક્રાઇટેરિયા પાસ કરીને અને ફાઈનલ શો માટે પસંદગી થતા હવે આગામી તા. 19/9/2024ના રોજ રાત્રે 9:00 વાગ્યે અમિતાભ બચ્ચન સાથે હોટ સીટ પર આવીને પોતાના નોલેજનો પરિચય આપશે.

પોરબંદર વિસ્તારમાંથી એક ખેડૂત પુત્રી તરીકે આટલા વિશ્વ વિખ્યાત શો માટે પસંદગી થવા બદલ જયા ઓડેદરાને નવરંગ સાહિત્ય સંગીત કલા પ્રતિષ્ઠાના પ્રમુખ લાખણશી ગોરાણિયાએ અભિનંદન આપી ફાઈનલ શોમાં ખૂબ પ્રગતિ કરી ઉચ્ચ લક્ષ્ય પ્રાપ્ત કરે તેવી શુભેચ્છાઓ પાઠવી છે.

પોરબંદર વિસ્તારનું ગૌરવ વધારનાર જયા ઓડેદરાને આગામી તા. 19 સપ્ટેમ્બરના રોજ રાત્રે 9:00 વાગ્યે કૌન બનેગા કરોડપતિમાં લાઈવ જોવા લાખણશી ગોરાણિયાએ સમગ્ર પોરબંદરની જનતાને અપીલ કરી છે.

આ પ્રકારના તમામ સમાચાર માટેે App ડાઉનલોડ કરો.