વિધાનસભા સામાન્ય ચૂંટણી-૨૦૨૨

અવસર લોકશાહીનો: જિલ્લા કલેક્ટરશ્રી અને જિલ્લા ચૂંટણી અધિકારીશ્રી બી.એ.શાહના અધ્યક્ષસ્થાને નોડેલ ઓફિસરોની બેઠક

જિલ્લામાં શાંતિપૂર્ણ અને પારદર્શી રીતે ચૂંટણી યોજાઈ તે માટેના આયોજન સહિતના વિવિધ મુદ્દે જિલ્લા ચૂંટણી અધિકારીશ્રી અને કલેક્ટરશ્રી દ્વારા તમામ નોડલ અધિકારીશ્રીઓને માર્ગદર્શન અપાયું

કલેક્ટરશ્રી બી.એ.શાહે તમામ અધિકારીશ્રીઓને એક ટીમ તરીકે ચૂંટણીલક્ષી કામગીરી કરવા માટે પ્રોત્સાહિત કર્યા
બોટાદ જિલ્લા ચૂંટણી અધિકારીશ્રી અને કલેક્ટરશ્રી બી.એ.શાહના અધ્યક્ષસ્થાને નોડલ અધિકારીશ્રીઓની બેઠક યોજાઈ હતી. શ્રી બી.એ.શાહે નોડલ અધિકારીશ્રીઓને ચૂંટણીનું આયોજન શાંતિપૂર્ણ રીતે થાય તે બાબતે વિવિધ મુદ્દે સુચનાઓ અને માર્ગદર્શન આપ્યુ હતું. ચૂંટણી જાહેર થયેથી આદર્શ આચારસંહિતા અમલી થતાંની સાથે જિલ્લામાં તમામ વ્યવસ્થા અને કામગીરી, સોશિયલ મીડિયા મોનિટરિંગ, કાયદો અને વ્યવસ્થા, બુથ લેવલની કામગીરી સહિતની કામગીરી બાબતે વિસ્તૃત ચર્ચાઓ કરી હતી.
વિધાનસભા સામાન્ય ચૂંટણી-૨૦૨૨ સફળતાપૂર્વક અને શાંતિપૂર્ણ માહોલમાં સંપન્ન થાય તે માટે જિલ્લા ચૂંટણી અધિકારીશ્રી અને કલેક્ટરશ્રી બી.એ.શાહે તમામ અધિકારીશ્રીઓને એક ટીમ તરીકે ચૂંટણીલક્ષી કામગીરી કરવા માટે પ્રોત્સાહિત કર્યા હતા. ચૂંટણીલક્ષી કામગીરીની સમીક્ષા બેઠકમાં જિલ્લા વિકાસ અધિકારીશ્રી પી.ડી.પલસાણા, નાયબ જિલ્લા ચૂંટણી અધિકારીશ્રી કે.એન.કાચા, નિવાસી અધિક કલેક્ટરશ્રી મુકેશભાઈ પરમાર, પ્રાંત અધિકારીશ્રી બોટાદ, બરવાળા, સિહોર સહિત જિલ્લાની જુદી-જુદી સમિતિના નોડલ અધિકારીશ્રીઓ ઉપસ્થિત રહ્યા હતા.

બોટાદ બ્યુરો: ચિંતન વાગડીયા

મો:8000834888

આ પ્રકારના તમામ સમાચાર માટેે App ડાઉનલોડ કરો.