જુગાર રમતા સોની વેપારી, જમીન દલાલ સહિત 6 પકડાયા

નવા વર્ષે પોલીસે જુગાર ક્લબ પકડવાનું મુહૂર્ત કર્યું છે. જુગાર રમતા સોની વેપારી, જમીન દલાલ સહિત 6 પકડાયા હતા. સહકાર મેઈન રોડ પર રહેણાંક મકાનમાં જુગાર ક્લબ ચાલતી હતી. ભક્તિનગર પોલીસે કાર્યવાહી કરી હતી.
સૂત્રોના જણાવ્યા મુજબ, પીઆઇ એમ. એમ. સરવૈયાના માર્ગદર્શનમાં પોલીસ સ્ટાફ પેટ્રોલિંગમાં હતો તે દરમિયાન બાતમી મળી હતી કે, સહકાર મેઇન રોડ પર શ્રીનગર સોસાયટી શેરી નં.1 વિનાયક એવન્યુના ચોથા માળે ફલેટ નં.એફ-401 આરોપી સુરેશ મદાણી જુગાર ક્લબ ચલાવી રહ્યો છે. આરોપીનો આ ભાડાનો ફ્લેટ છે.
દરોડો પાડતા જુગાર રમતા આરોપી (1) સુરેશ વિઠલ મદાણી ઉ.વ.62 ધંધો-સોનીકામ રહે-રૈયા ચોકડી આલાપ ગ્રીન સીટી બ્લોક નં એ-85 પહેલા માળે રાજકોટ હાલ રહે-સહકાર મેઇન રોડ વિનાયક એવન્યુ, અજયભાઇ દરબારના ફ્લેટમાં ભાડેથી (ર) પિયુષ જેન્તી મહેતા ઉ.વ.72, રહે-જાગનાથ પ્લોટ શેરીનં-9 રિધ્ધિ વિનાયક એપાર્ટમેન્ટ ત્રીજા માળે (3) જયેશ નટુ બગડાઇ ઉ.વ.62 રહે.ગોપાલ નગર શેરીનં.7 ગાયત્રીનગર ચોક (4) મહેશ વજુ દોશી ઉ.વ.57 ધંધો જમીન મકાન લે-વેચ રહે- જયરાજ પ્લોટ શેરીનં-9/14 નો ખુણો (5) અલતાફ રહીમ પાઘરશી ઉ.વ.45 ધંધો રીક્ષા ડ્રાઇવિંગ, રહે-નહેરૂનગર શેરીનં-4 રૈયા રોડ (6) સદરૂદીન કાસમ કારાણી ઉ.વ.75, રહે- કરીમનગર સોસાયટી રાણાવાવ નેશનલ હાઇવે રૂપાલી ફુલહાર દુકાનની બાજુમાં રાણાવાવ જી.પોરબંદર)ને ઝડપી રૂ. 22,530ની રોકડ કબ્જે કરી હતી.

આ પ્રકારના તમામ સમાચાર માટેે App ડાઉનલોડ કરો.