રાજકોટનો ન્યારી-1 ડેમ ફરી ઓવરફલો

રાજકોટ સહિત સૌરાષ્ટ્રમાં પડી રહેલા ભારે વરસાદથી ફરી ડેમોમાં તથા નીર ઠલવાઇ રહ્યા છે. ત્યારે છેલ્લા 24 કલાક દરમ્યાન રાજકોટ જિલ્લાનાં છ સહિત સૌરાષ્ટ્રનાં 17 ડેમોમાં નવા નીર ઠલવાયા છે.
ફલડ સેલમાંથી પ્રાપ્ત વિગતો અનુસાર નાયબ કાર્યપાલક ઇજનેર, રાજકોટ સિંચાઈ વર્તુળ 1/4ના જણાવ્યા પ્રમાણે ન્યારી-1 ડેમ તેને નિર્ધારિત સપાટીએ 100 % ભરાઈ ગયો હોવાથી ગત બપોરે 4.30 વાગ્યે ન્યારી ડેમના બે દરવાજા 0.5 ફૂટે ખોલવામાં આવ્યા હતા. આથી પડધરી તાલુકાના ગોવિંદપર, ખામટા, રામપર, તરઘડી તથા વણપરી ગામના લોકોને નદીના પટમાં અવરજવર ન કરવા તથા સાવચેત રહેવા ડિઝાસ્ટર મેનેજમેન્ટ સેલના મામલતદારની યાદીમાં જણાવાયું છે.

આ પ્રકારના તમામ સમાચાર માટેે App ડાઉનલોડ કરો.