મુદ્રા યોજનાના 10 વર્ષ, ₹32 લાખ કરોડની લોન આપવામાં આવી:લાભાર્થીઓમાં 68% મહિલાઓ છે; મોદીએ કહ્યું- આ યોજનાએ લોકોના સપના સાકાર કર્યા

આજે 8 એપ્રિલના રોજ, પ્રધાનમંત્રી મુદ્રા યોજનાના 10 વર્ષ પૂર્ણ થયા છે. વડાપ્રધાન નરેન્દ્ર મોદીએ મંગળવારે સવારે 9 વાગ્યે પ્રધાનમંત્રી મુદ્રા યોજના (PMMY) ના લાભાર્થીઓ સાથે વાત કરી અને તેમને અભિનંદન આપ્યા હતા. નરેન્દ્ર મોદીએ કહ્યું, 'આજે, જ્યારે આપણે મુદ્રા યોજના (#10YearsOfMUDRA) ના 10 વર્ષ પૂર્ણ થવાની ઉજવણી કરી રહ્યા છીએ.' આ યોજનાએ લોકોને સશક્ત બનાવીને ઘણા સપનાઓને સાચા કર્યા છે. પીએમ મોદીએ X પરની તેમની પોસ્ટમાં કહ્યું- આ દર્શાવે છે કે ભારતના લોકો માટે કંઈ પણ અશક્ય નથી. દરેક મુદ્રા લોન પોતાની સાથે સન્માન, આત્મસન્માન અને તક લઈને આવે છે. મુદ્રા યોજનાનો ઉદ્દેશ્ય ગેરંટી વિના સૂક્ષ્મ અને નાના વ્યવસાયોને લોન આપવાનો છે મુદ્રા યોજના 2015માં વડાપ્રધાન મોદી દ્વારા શરૂ કરવામાં આવી હતી જેનો ઉદ્દેશ્ય ગેરંટી વિના સૂક્ષ્મ અને નાના વ્યવસાયોને નાણાકીય સહાય પૂરી પાડવાનો હતો. છેલ્લા 10 વર્ષમાં આ યોજના હેઠળ 52 કરોડ લોન ખાતા ખોલવામાં આવ્યા હતા અને કુલ 32 લાખ કરોડ રૂપિયાની લોન આપવામાં આવી હતી. આ યોજનાના 68 ટકા લાભાર્થીઓ મહિલાઓ છે, અને 50 ટકા લાભાર્થીઓ અનુસૂચિત જાતિ, અનુસૂચિત જનજાતિ અને અન્ય પછાત વર્ગના છે. વડાપ્રધાન મોદીએ દરેક ઉદ્યોગસાહસિકને લોન મળે તે સુનિશ્ચિત કરવાની વાત કરી. તેમણે કહ્યું, "લોન લઈને, ઉદ્યોગસાહસિકો આત્મવિશ્વાસ સાથે તેમના વ્યવસાયોનો વિસ્તાર કરી શકશે." નાણાં મંત્રાલયે 7 એપ્રિલના રોજ એક પ્રેસ રિલીઝમાં મુદ્રા યોજના દ્વારા લોકોના જીવનમાં આવેલા બદલાવની માહિતી શેર કરી. તેમાંથી, દિલ્હીમાં ઘરે દરજી કામ કરતા કમલેશે પોતાનો વ્યવસાય વધાર્યો, અન્ય ત્રણ મહિલાઓને રાજગાર આપ્યો અને પોતાના બાળકોને સારી સ્કૂલમાં એડમિશન અપાવ્યું. બિંદુ નામની એક મહિલા, જે પહેલા દરરોજ 50 ઝાડુ બનાવતી હતી, હવે 500 ઝાડુ બનાવતું એક યુનિટ ચલાવે છે. નાના શહેરો અને ગામડાઓમાં વ્યવસાયનો વિસ્તાર થયો આ યોજનાએ નાના શહેરો અને ગામડાઓમાં વ્યવસાયનો વિસ્તાર કર્યો. SKOCH ના "Outcomes of Modinomics 2014-24" રિપોર્ટ અનુસાર, 2014 થી દર વર્ષે ઓછામાં ઓછી 5.14 કરોડ નવી નોકરીઓનું સર્જન થયું છે, જેમાં એકલા PMMY દ્વારા 2014થી દર વર્ષે સરેરાશ 2.52 કરોડ સ્થિર રોજગારનો ઉમેરો થયો છે. આ મુદ્રા યોજના હેઠળ જમ્મુ અને કાશ્મીરને સૌથી વધુ ફાયદો થયો છે. આ યોજના દ્વારા મહિલા સશક્તિકરણ મુદ્રા યોજનાના કુલ લાભાર્થીઓમાં મહિલાઓ 68 ટકા છે, જે દેશભરમાં મહિલાઓના નેતૃત્વ હેઠળના ઉદ્યોગોને પ્રોત્સાહન આપવામાં મહત્વપૂર્ણ ભૂમિકા ભજવે છે. નાણાકીય વર્ષ 2016 અને નાણાકીય વર્ષ 25 વચ્ચે, પ્રતિ મહિલા PMMY લોનની રકમ 13 ટકાના CAGRથી વધીને રૂ. 62,679 થઈ, જ્યારે પ્રતિ મહિલા થાપણો 14 ટકાના CAGRથી વધીને રૂ. 95,269 થઈ. જે રાજ્યોમાં મહિલાઓની ભાગીદારી વધી છે, તેમણે મહિલાઓના નેતૃત્વ હેઠળના MSME દ્વારા નોંધપાત્ર રોજગાર સર્જન નોંધાવ્યું છે, જેનાથી મહિલાઓના આર્થિક સશક્તિકરણ અને શ્રમબળ ભાગીદારી વધારવામાં સમાવેશની અસરકારકતા વધુ મજબૂત બની છે.

આ પ્રકારના તમામ સમાચાર માટેે App ડાઉનલોડ કરો.