પુષ્કરધામ પાસે કેવલમ આવાસના કવાર્ટરમાંથી દારૂની 260 બોટલ ઝડપાઇ: મકાન માલિક ફરાર

પુષ્કરધામ પાસે આવેલી કેવલમ આવાસ યોજના ક્વાર્ટરમાં રહેતા શખસના ઘરમાં પોલીસે ડરોડો પાડતા અહીંથી 260 બોટલ દારૂનો જથ્થો મળી આવ્યો હતો. જો કે દરોડા સમયે આરોપી હાજર મળી ન આવ્યો હોય તેને ઝડપી લેવા માટે પોલીસે તપાસ હાથ ધરી છે. દારૂના આ દરોડાની જાણવા મળતી વિગતો મુજબ,યુનિવર્સિટી પોલીસ મથકનો સ્ટાફ પેટ્રોલિંગમાં હતો દરમિયાન હેડ કોન્સ્ટેબલ મહિપાલસિંહ જાડેજા, ગોપાલસિંહ જાડેજા અને બલભદ્રસિંહ જાડેજાને મળેલી
બાતમીના આધારે પુષ્કરધામ રોડ પર આવેલી કેવલમ સોસાયટી સામે આવાસ યોજના ક્વાર્ટરમાં રહેતા શાહરૂખ અનવરભાઈ સમાના કવાર્ટરમાં દરોડો પાડતા અહીંથી અલગ અલગ બ્રાન્ડનો રૂ.49200 ની કિંમતનો 260 બોટલ દારૂનો જથ્થો મળી આવ્યો હતો. જોકે દરોડા સમયે આરોપી હાજર મળી આવ્યો ન હતો આ અંગે હેડ કોન્સ્ટેબલ સમીરભાઈ શેખની ફરિયાદ પરથી પોલીસે શાહરૂખ સમા સામે ગુનો નોંધી તેને ઝડપી લેવા તપાસ હાથ ધરી છે.
જ્યારે બીજા દરોડામાં એ. ડિવિઝન પોલીસ મથકના સ્ટાફે ત્રિકોણબાગ ચોક પાસે ઇન્ડિયા બેટરી પાછળ રવિરાજ ગેસ્ટહાઉસવાળી શેરીમાંથી હાર્દિક બાબુભાઈ રાઠોડ (ઉ.વ 20), (રહે. રામનાથપરા શેરી નંબર 18) નામના શખસને અટકાવી તેના એકટીવાની તલાસી લેતા તેમાંથી પાંચ બોટલ દારૂ મળી આવ્યો હતો. જેથી પોલીસે તેની સામે ગુનો નોંધી દારૂ અને એક્ટિવા સહિત 42 હજારનો મુદ્દામાલ કબજે કરી જરૂરી કાર્યવાહી કરી છે.
9879405838

આ પ્રકારના તમામ સમાચાર માટેે App ડાઉનલોડ કરો.