રોહિદાસપરાના યુવકે પેટ્રોલ છાંટી આપઘાતનો પ્રયાસ કરતા સારવારમાં
શહેરના કુવાડવા રોડ રોહિદાસપરામાં રહેતા યુવકે ઘરે પેટ્રોલ છાંટી આપઘાતનો પ્રયાસ કર્યો હતો.યુવક ગંભીર રીતે દાઝી જતા તાકીદે સિવિલ હોસ્પિટલમાં ખસેડવામા આવ્યો છે.
યુવકે કયા કારણોસર આપઘાતનો પ્રયાસ કર્યો તેની પોલીસે તપાસ હાથ ધરી છે. બનાવની વિગત મુજબ શહેરાના કુવાડવા રોડ રોહિદાસપરા શેરી નં-7 માં રહેતો અશોકભાઈ મંગાભાઈ ચૌહાણ (ઉ.વ.38) આજે સવારના નવેક વાગ્યાની આસપાસ પોતાના ઘરે કોઈ કારણોસર પેટ્રોલ છાંટી લેતાં ગંભીર રીતે દાઝી જતાં યુવકને તાકિદે સિવિલ હોસ્પિટલમાં ખસેડવામા આવ્યો હતો. યુવક ડ્રાઇવિંગ કામ કરી પરીવારનું ગુજરાન ચલાવે છે. અશોકભાઈ બે ભાઈમાં નાના તેમજ તેને ત્રણ દીકરી અને એક દીકરો હોવાનુ પરીવારજનોએ જણાવ્યું હતું. બનાવ અંગે સિવિલ ચોકીના સ્ટાફે બિ ડિવિઝન પોલીસને જાણ કરતાં તુરંત પોલીસ દોડી ગઇ અને ક્યા કારણોસર પેટ્રોલ છાંટી આપઘાતનો પ્રયાસ કર્યો તેની તજવીજ હાથ ધરી છે.
9879405838
આ પ્રકારના તમામ સમાચાર માટેે
App ડાઉનલોડ કરો.