ગેમ ઝોન દુર્ઘટનાના દિવંગતોને મીડિયા પરિવારની શોકાંજલિ

રાજકોટના નાનામવા વિસ્તારમાં ટીઆરપી ગેમ ઝોનમાં સર્જાયેલ આગ દુર્ઘટનાની કરૂણાંતિકામાં ૨૭ નિર્દોષ લોકોએ જીવ ગુમાવતા સમગ્ર ગુજરાતમાં ઘેરા શોકની લાગણી ફેલાયેલ છે.ત્યારે રાજકોટ મીડિયા પરિવારે પણ સ્વજનો ગુમાવનાર પરિવારોને સધિયારો આપવા અને આ કરૂણાંતિકામાં મહામુલ્ય જીવ ગુમાવનાર દિવંગતોને શ્રદ્ધાંજલિ અર્પવા શોકાંજલિ સભાનું આયોજન કરવામાં આવ્યુ હતું. આ શોકાંજલિ સાભામાં અબતકના તંત્રી સતિષભાઈ મહેતા, ફલછાબના નિવાસી તંત્રી જવલંત છાંયા, ગુજરાત મિરરના તંત્રી સંજય પટેલ, કાઠિયાવાડ પોસ્ટનાં તંત્રી નિરજ વ્યાસ, ખાસ ખબરના તંત્રી કિન્નર આચાર્ય સહિત મીડિયા જગત સાથે સંકળાયેલા પત્રકારો-ફોટોગ્રાફર્સ, કેમેરામેન તેમજ કર્મચારીઓએ ઉપસ્થિત રહી દિવંગતોને શોકાંજલિ અર્પણ કરી હતી અને બે મિનિટનું મૌન માળી દિવગંત આત્માઓને મોક્ષાર્થે પ્રાર્થના કરી હતી. આ ઉપરાંત વડગાંવના ધારાસભ્ય જીજ્ઞેશ મેવાણી, ભાજપના પ્રદેશ ઉપાધ્યક્ષ ડો.ભરતભાઈ બોઘરા, શહેર ભાજપ પ્રમુખ મુકેશ દોશી, શહેર કોંગ્રેસ પ્રમુખ અતુલ રાજાણી,

સ્ટેન્ડિંગ કમિટીના ચેરમેન જયમિન ઠાકર, સુરેશભાઇ બથવાર, ધરમ કામલિયા સહિતના આગેવાનોએ પણ પુષ્પાંજલિ અર્પી હતી.

આ પ્રકારના તમામ સમાચાર માટેે App ડાઉનલોડ કરો.