જસદણની એક વાડીના કુવામાં એક શ્રમિક પરિવારના દોઢ વર્ષના બાળકનું પડી જતાં મોત

હુસામુદ્દીન કપાસી દ્વારા જસદણ
જસદણમાં એક આદીવાસી પરિવારના એકના એક બાળકનું કુવામાં પડી. જતાં મોત નિપજતાં આ શ્રમિક પરિવારમાં હૈયાફાંટ રુદન સાથે માતમનો કોહરામ મચી જવા પામ્યો હતો આ અંગે પ્રાપ્ત વિગતો મુજબ જસદણના જુના જંગવડ પર બાબુભાઈ શુળીયાની વાડીના કુવામાં એક દોઢ વર્ષનું બાળક પડી ગયાની જાણ જસદણ ફાયર બ્રિગેડને થતાં પ્રતાપભાઈ સોલંકી અને સ્ટાફ તાત્કાલિક ધોરણે ઘટના સ્થળે પહોંચી કામગીરી હાથ ધરી હતી પરંતુ અંતે સિત્તેર ફૂટની ઊંડાઈ ધરાવતાં ત્રીસ ફૂટ પાણી ધરાવતાં આ કૂવામાંથી દોઢ વર્ષના રાજવીરની અંતે લાશ મળતાં મધ્યપ્રદેશના અલી રાજપુર જીલ્લાના બડાભાવટા ગામનાં શ્રમિક પરિવારમાં આભ ફાટ્યું હોય એવી સ્થિતિ નિર્માણ પામી હતી કિશનભાઈ ચૌહાણ અને તેમની પત્નિ સહિતનો પરિવાર વાડીમાં મજૂરી કામ કરતો તેમને સંતાનમાં મુતક રાજવીર ઉ. વ. દોઢ એક માત્ર સંતાન હતું તે સોમવારે સાંજે કુવા પાસે રમતો હતો અને અચાનક કુવામાં પડી જતાં અને મોતને ભેટ્યો હતો.
તસ્વીર હુસામુદ્દીન કપાસી જસદણ

આ પ્રકારના તમામ સમાચાર માટેે App ડાઉનલોડ કરો.