હળવદ:સુસવાવ ગામના પાટીયા પાસે રોંગ સાઈડમાં આવતા ટ્રેક્ટરે ટ્રીપલ સવારી મો.સાયકલને હડફેટે લેતા એકનું મોત,બે ઘાયલ

હળવદ: માસીના દીકરાના લગ્ન-પ્રસંગમાંથી પરત આવતા સમયે મોટર સાયકલમાં સવાર બે બહેન અને ભાઈને સુસવાવ ગામના પાટિયા પાસે રોંગ સાઈડમાં આવતા ટ્રેક્ટરે હડફેટે લઇ અકસ્માત સર્જ્યો હતો. જે અકસ્માતમાં એક બહેનનું મૃત્યુ નીપજ્યું હતું તથા ભાઈ-બહેન ઈજાગ્રસ્ત થયેલ હતા જેને હળવદની ખાનગી હોસ્પિ.માં ખસેડાયા હતા. જયારે આ ગંભીર અકસ્માત સર્જી ટ્રેક્ટર ચાલક પોતાનું ટ્રેક્ટર મૂકી નાસી ગયો હતો. સમગ્ર અકસ્માતના બનાવ મામલે મો.સાયકલમાં સવાર બહેન દ્વારા હળવદ પોલીસ સમક્ષ ફરિયાદ નોંધાવતા પોલીસે ટ્રેક્ટર ચાલક વિરુદ્ધ ગુન્હો નોંધી તપાસની તજવીજ હાથ ધરી છે.

અકસ્માતની મળતી માહિતી અનુસાર મોરબી તાલુકાના જેતપર ગામે રહેતા પાયલબેન રાજેશભાઇ પરશોતમભાઇ હમીરપરા ઉવ-૧૯એ ટ્રેક્ટર રજી.નં.જીજે-૧૩-સીએ-૯૮૫૬ના ચાલક વિરુદ્ધ હળવદ પોલીસ પાસે ફરિયાદ લખાવી જાહેર કર્યું કે ફરિયાદી પાયલબેનના માસીના દીકરાના લગ્નનો પ્રસંગ પૂરો થયે હળવદ થી માળીયા જતા હાઇવે રોડ ઉપર પોતાના દાદાના દીકરા ભાઇનુ મો.સા નં. જીજે-૩૬-એક્યુ -૨૫૮૫માં બેસીને જતા હતા ત્યારે સુસવાવ ગામના પાટીયાથી આગળ ડીવાઇન બોર્ડ પ્રા. લીમીટેડ કારખાનાની સામે પહોચતા ટ્રેકટર રજી નં. જીજે-૧૩-સીએ-૯૮૫૬ના ચાલકે પોતાનું ટ્રેકટર પૂરઝડપે અને બેફામ રીતે બેદરકારીથી રોંગ સાઇડમા રોડ ઉપર ચલાવી મો.સા સાથે ભટકાડી પાયલબેન તથા તેમના ભાઈ પ્રકાશભાઇ ચંદુભાઇને ગંભીર ઇજા કરી તથા તેમના દાદાની દીકરી બહેન હેતલબેનને ગંભીર ઇજા કરી મોત નીપજાવી સ્થળ પર પોતાનુ ટ્રેક્ટર મુકી નાશી ગયાની ફરિયાદ નોંધાવતા હાલ હળવદ પોલીસે ટ્રેક્ટર નંબર ઉપરથી અજાણ્યા ચાલક વિરુદ્ધ ગુન્હો નોંધી તેને પકડી પાડવા ચક્રો ગતિમાન કર્યા છે.

રિપોર્ટ રમેશ ઠાકોર હળવદ

આ પ્રકારના તમામ સમાચાર માટેે App ડાઉનલોડ કરો.