ઉર્વશી રૌતેલાને ગંભીર ઈજા થઈ:હૈદરાબાદની હોસ્પિટલમાં સારવાર ચાલી રહી છે, એક્શન સિક્વન્સના શૂટિંગ દરમિયાન હાથમાં ફ્રેક્ચર થયું

હૈદરાબાદમાં એક ફિલ્મના શૂટિંગ દરમિયાન અભિનેત્રી ઉર્વશી રૌતેલાને ગંભીર ઈજા થઈ છે. તેના હાથમાં ફ્રેક્ચર થયું હતું જે પછી તેને હોસ્પિટલમાં દાખલ કરવામાં આવી છે. મીડિયા રિપોર્ટ્સ અનુસાર, ઉર્વશી રૌતેલા હૈદરાબાદમાં નંદમુરી બાલકૃષ્ણાની આગામી તેલુગુ ફિલ્મ 'NBK 109'નું શૂટિંગ કરી રહી હતી. આ ફિલ્મની એક્શન સિક્વન્સના શૂટિંગ દરમિયાન તેને ગંભીર ઈજા થઈ હતી. એક્ટ્રેસની ટીમ તરફથી કહેવામાં આવ્યું છે કે આ સમયે તે ઈજાને કારણે ખૂબ જ ચિંતિત છે. હાલ તેની હૉસ્પિટલમાં સારવાર ચાલી રહી છે. તે સંપૂર્ણ સ્વસ્થ થતાં ફરીથી શૂટિંગ શરૂ કરશે. જણાવી દઈએ કે આ ફિલ્મ તેલુગૂ સુપરસ્ટાર નંદમુરી બાલકૃષ્ણાની 109મી ફિલ્મ છે. તેથી, ફિલ્મનું કામચલાઉ શીર્ષક 'NBK 109' રાખવામાં આવ્યું છે. ફિલ્મનું શૂટિંગ નવેમ્બર 2023થી શરૂ થયું હતું. તેમાં બોબી દેઓલ, પ્રકાશ રાજ અને દુલકર સલમાન પણ છે. જ્યારે નંદમુરી બાલકૃષ્ણ લીડ રોલમાં છે. આ ફિલ્મનું ડિરેક્શન બોબી કોલ્લી કરી રહ્યા છે.

આ પ્રકારના તમામ સમાચાર માટેે App ડાઉનલોડ કરો.