ઈન્ટરનેશનલ ડે ફોર બાયોલોજીકલ ડાઈવર્સિટી – 2024

જૈવિક વિવિધતા દિવસ એટલે પૃથ્વી પરના જીવનના મહત્વ અને વિવિધતાની જાળવણી અંગેની ઉજવણી

(માહિતી બ્યુરો, બોટાદ)
દર વર્ષે 22 મેના રોજ આંતરરાષ્ટ્રીય જૈવિક વિવિધતા દિવસની ઉજવણી કરવામાં આવે છે. આ દિવસ પૃથ્વી પરના તમામ વૈવિધ્યસભર જીવનના મહત્વ અને વિવિધતા ઉપરાંત જૈવવિવિધતા સામેના ગંભીર જોખમો વિશે જાગૃતિ લાવવા, કુદરતી વિશ્વને બચાવવા અને પુનઃસ્થાપિત કરવા માટેની ક્રિયાઓને પ્રોત્સાહિત કરવા માટે ઉજવવામાં આવે છે.

"આવો આપણે પણ જૈવ વિવિધતાનો એક ભાગ બનીએ"
આ વર્ષે જૈવ વિવિધતા દિવસની થીમ છે "આવો આપણે પણ તેનો એક ભાગ બનીએ", પૃથ્વી પરના તમામ જીવોના રક્ષણમાં આવો આપણે પણ સહભાગી થઈએ...! જૈવવિવિધતા માનવ જીવન અને સુખાકારી માટે જરૂરી છે. તે આપણને ખોરાક, આશ્રય અને અન્ય આવશ્યક સંસાધનો પ્રદાન કરે છે. તે આબોહવા પણ નિયંત્રિત કરે છે, પાણીને શુદ્ધ કરે છે અને આપણા સાંસ્કૃતિક વારસાને પણ સમૃદ્ધ બનાવે છે.

જૈવવિવિધતાનું રક્ષણ એ પાયાનુ એકમ
જૈવવિવિધતાનું રક્ષણ આપણા ગ્રહના ભવિષ્ય માટે મહત્વપૂર્ણ છે. તાજેતરના વર્ષોમાં, આપણે વિશ્વભરમાં પ્રજાતિઓની સંખ્યામાં ઝડપી ઘટાડો જોયો છે. આ વસવાટની ખોટ, બિનટકાઉ વપરાશ અને આબોહવા પરિવર્તન સહિત સંખ્યાબંધ પરિબળોને કારણે છે. જૈવવિવિધતાના નુકસાનથી ઇકોસિસ્ટમ અને માનવ સ્વાસ્થ્ય માટે વિનાશક પરિણામો આવી રહ્યા છે.

આંતરરાષ્ટ્રીય જૈવિક વિવિધતા માટેની પ્રવૃત્તિઓ
- જંતુનાશક દવાઓનો ઉપયોગ કરવાનું ટાળવું.
- જંતુનાશક રહિત તેમજ પ્રાકૃતિક ઢબે તૈયાર થયેલા ફળ-શાકભાજી-અનાજ ખરીદવા.
- વૃક્ષોનું વાવતેર કરવું.
- જમીનની સખત સપાટીઓને દૂર કરવી જેથી છોડ સરળતાથી વૃદ્ધિ પામી શકે.

આ પ્રકારના તમામ સમાચાર માટેે App ડાઉનલોડ કરો.