કોડીનાર ખાતે ૬૨મી સુબ્રતો ફૂટબોલ કપ જિલ્લા કક્ષા ટુર્નામેન્ટ– ૨૦૨૩ યોજાઈ

ગુજરાત સરકારના રમતગમત યુવા અને સાંસ્કૃતિક પ્રવૃતિઓ તેમજ સ્પોર્ટ્સ ઓથોરીટી ઓફ ગુજરાત, ગાંધીનગરના ઉપક્રમે જિલ્લા રમત પ્રશિક્ષણ કેન્દ્રની કચેરી, ગીર સોમનાથ દ્વારા તા.૨૨/૦૭/૨૦૨૩ના રોજ નવોદય વિદ્યાલય, કોડીનાર ખાતે ૬૨મી સુબ્રતો ફૂટબોલ કપ જિલ્લા કક્ષા ટુર્નામેન્ટ– ૨૦૨૩ સ્પર્ધાનું આયોજન કરવામાં આવ્યું હતું.
આ ટૂર્નામેન્ટમાં જિલ્લાની વિવિધ શાળાઓમાંથી ભાઈઓ અને બહેનો એમ કુલ ૧૦ ટીમોએ ભાગ લીધો હતો. જેમાં અન્ડર-૧૭ ભાઈઓ તથા અન્ડર-૧૭ બહેનોમાં શ્રી સોમનાથ ઇન્ટરનેશનલ સ્કુલ, કોડીનારની ટીમ તથા અન્ડર-૧૪ ભાઈઓમાં એસ.કે.એમ. કોડીનારની ટીમ વિજેતા થઇ હતી. આ તમામ વિજેતા ટીમ આગામી દિવસોમાં અમદાવાદ તથા ગોધરા મુકામે રાજ્ય કક્ષાની સ્પર્ધામાં સોમનાથ જિલ્લાનું પ્રતિનિધિત્વ કરશે.

આ તકે નવોદય વિદ્યાલયના આચાર્ય એસ.વી.પાટીલ, સોમનાથ ઇન્ટરનેશનલ સ્કુલના આચાર્ય હરી રાધાક્રીષ્નન, વ્યાયામ શિક્ષક નીરજ જાની તથા શાળાના સમગ્ર સ્ટાફ ઉપસ્થિત રહી ખેલાડીઓનો ઉત્સાહ વધાર્યો હતો. આ સમગ્ર સ્પર્ધાના સફળ આયોજનમાં જિલ્લા રમત વિકાસ અધિકારી શ્રી કાનજી ભાલીયા, ટેકનીકલ મેનેજર શ્રી નરેશ ગોહિલ, કોચ શિવમ ઉપાધ્યાય, કોચ રાહુલ કુમાર તથા તમામ કોચ તેમજ ટ્રેનર્સે જહેમત ઉઠાવી હતી.

આ પ્રકારના તમામ સમાચાર માટેે App ડાઉનલોડ કરો.