ગાયક અરિજીત સિંહ બીમાર છે:નાદુરસ્ત તબિયતને કારણે UK મ્યુઝિકલ ટૂર કેન્સલ, નોટ શેર કરીને ફેન્સની માફી માગી

લોકપ્રિય પ્લેબેક સિંગર અરિજીત સિંહ આજકાલ બીમાર છે. તે 11મી ઓગસ્ટે એક મ્યુઝિકલ શો કરવા માટે યુકે જવાનો હતો. જોકે, ખરાબ તબિયતના કારણે તેણે આ શો મોકૂફ રાખ્યો છે. ગુરુવારે ગાયકે તેના ઇન્સ્ટાગ્રામ હેન્ડલ પર એક નોટ શેર કરીને ફેન્સ સાથે આ માહિતી શેર કરી. આ નોટમાં તેમણે ફેન્સની માફી પણ માગી છે. તેમણે એ પણ જણાવ્યું કે હવે આ શો સપ્ટેમ્બરમાં થશે. મેડિકલ કારણોસર આ શો મોકૂફ રાખવો પડ્યો હતો
અરિજિત સિંહે ઇન્સ્ટાગ્રામ નોટમાં લખ્યું - પ્રિય ચાહકો, મને જણાવતા દુઃખ થાય છે કે તબીબી કારણોસ, મારે ઓગસ્ટની અમારી મ્યુઝિક ઇવેન્ટ સ્થગિત કરવી પડી છે. હું જાણું છું કે તમે આ શોની કેટલી આતુરતાથી રાહ જોઈ રહ્યા હતા. તમારી નિરાશા માટે હું ખરેખર દિલગીર છું. તમારો પ્રેમ અને સમર્થન મારી શક્તિ છે. છેલ્લી નોંધમાં અરિજિતે લખ્યું- તમારી સમજણ, ધીરજ અને અતૂટ પ્રેમ માટે આભાર. હું તમારા બધા સાથે અવિસ્મરણીય યાદો બનાવવા માટે રાહ જોઈ શકતો નથી. અરિજિતે એમ પણ કહ્યું કે ભવિષ્યમાં જ્યારે તે ચાહકોને મળશે, તે ક્ષણ ખૂબ જ શાનદાર હશે. અરિજીતની આ પોસ્ટ સામે આવતાની સાથે જ ચાહકો તેના સ્વાસ્થ્યને લઈને ચિંતિત થઈ ગયા હતા. તેઓ અરિજીતના ઝડપી સ્વસ્થ થવાની પ્રાર્થના કરી રહ્યા છે. તમને જણાવી દઈએ કે, અરિજીત સિંહ 11 ઓગસ્ટે માન્ચેસ્ટરના કો-ઓપ લાઈવ એરેનામાં પરફોર્મ કરીને યુકે પ્રવાસની શરૂઆત કરવા જઈ રહ્યો હતો. જો આવું થયું હોત તો આ સ્થાન પર પરફોર્મ કરનાર તે પ્રથમ દક્ષિણ એશિયાઈ કલાકાર હોત. કોન્સર્ટની નવી તારીખ જાહેર
​​​​​​​પ્રાપ્ત માહિતી અનુસાર, અરિજીતનો આ કોન્સર્ટ 15મી સપ્ટેમ્બરે લંડન, 16મીએ બર્મિંગહામ, 19મીએ રોટરડેમ અને 22મી સપ્ટેમ્બરે માન્ચેસ્ટરમાં યોજાશે.

આ પ્રકારના તમામ સમાચાર માટેે App ડાઉનલોડ કરો.