શ્રી વડનગર વીસાનાગર વણિક સમાજ દ્વારા સ્નેહ સંમેલન યોજાયું.

ગુજરાતમાં ઉત્તર ગુજરાતમાં આવેલુ મહેસાણા જિલ્લાનું હાલમાં તાજેતરમાં વર્લ્ડ હેરિટેજમાં સ્થાન પામેલ વડનગર મુકામે શ્રી વડનગર વીસાનાગર વણિક સમાજ દ્વારા બે દિવસીય સ્નેહ સંમેલન કાર્યક્રમ યોજાઇ ગયો. આ પ્રસંગે સમાજના વડીલો દ્વારા દીપ પ્રાગટય કરી કાર્યક્રમને ખુલ્લો મુકાયો હતો. સમાજના વિવિધ યુવાન અને યુવતીઓ દ્વારા સાંસ્કૃતિક કાર્યક્રમ રજૂ કરવામાં આવ્યા હતા રાત્રિના સમયે સંગીત સંધ્યા અને ગરબાનું આયોજન કરાયું હતું.
બીજા દિવસે બેઠકજીમાં દર્શન, અને દ્વારકાધીશ મંદિર ખાતે નંદમહોત્સવનું આયોજન કરાયું હતું. અમદાવાદ, વડોદરા, મુંબઈ,પુના અને અન્ય શહેરોમાંથી આવેલા સમાજના લોકોએ વડનગર દર્શનનો લાભ લીધો હતો. સમગ્ર કાર્યક્રમનું આયોજન સમાજના પ્રમુખ શ્રી મધુસૂદન શેઠ અને સેક્રેટરી જસ્મીન દેવીના માર્ગદર્શન નીચે અલ્પેશ શાહ, અમિત શેઠ, કેતન શેઠ, નિર્મિતા શેઠ, હિરલ શેઠ અને ફાલ્ગુની શાહે ભારે જહેમત ઉઠાવી હતી.
આ પ્રસંગે સમાજના લોકો મોટી સંખ્યામાં એકત્રિત થઈ કાર્યક્રમને સફળ બનાવ્યો હતો....આવો જ બીજો કાર્યક્રમ મુંબઈ મુકામે 7 જાન્યુ. અને 8 જાન્યુ. ના રોજ યોજવામાં આવશે.

આ પ્રકારના તમામ સમાચાર માટેે App ડાઉનલોડ કરો.