ગાંધીધામ શહેર મધ્યસ્થિત આદર્શ મહાવિદ્યાલય ગાંધીધામમાં શ્રીમતી જ્યોતિ પ્રકાશ મુરજાણી મદદનીશ શિક્ષકનો વિદાય સમારંભ યોજાયો

કચ્છના ગાંધીધામમા તારીખ 26 -10 -2024 ને શનિવારના રોજ ગાંધીધામ શહેર મધ્યસ્થિત આદર્શ મહાવિદ્યાલય ગાંધીધામમાં શ્રીમતી જ્યોતિ પ્રકાશ મુરજાણી મદદનીશ શિક્ષકનો વિદાય સમારંભ યોજાયો. શાળાના વિદ્યાર્થીઓ દ્વારા પ્રાર્થના કરી કાર્યક્રમની શરૂઆત કરવામાં આવી હતી. આ કાર્યક્રમમાં શ્રીમતી જ્યોતિ મુરજાણી, નરેન્દ્ર ભાટિયા ભૂતપૂર્વ કોમર્સ શિક્ષક, મુકેશ મગનાણી આચાર્ય પ્રાથમિક વિભાગ, કિશોર માકાણી વાઈસ પ્રિન્સિપાલ, ડો. એસ. એલ. સોલંકી આચાર્ય આદર્શ મહાવિદ્યાલય તેમજ સમગ્ર સ્ટાફ ની ઉપસ્થિતિમાં કાર્યક્રમ કરવામાં આવ્યો હતો. શાળાની વિદ્યાર્થીની દ્વારા ભરતનાટ્યમ કરી અને કંકુ ચોખાના તિલકથી વિદાયમાંન શિક્ષકશ્રીનું સ્વાગત કરવામાં આવ્યું હતું. જ્યોતિ મુરજાણીને પુષ્પગુચ્છ, સોલ, મોમેમેન્ટો દ્વારા સન્માનિત કરવામાં આવ્યા હતા. વિદ્યાર્થીઓએ પોતાના સંસ્મરણો તેમજ શિક્ષકો દ્વારા વિદાયમાન શિક્ષક પ્રત્યેની પોતાની ભાવના શબ્દો દ્વારા વ્યક્ત કરી હતી. કિશોર માકાણી, મુકેશ મગનાણી તેમજ ડોક્ટર સોલંકીએ જ્યોતિ મુરજાણીને રિટાયરમેન્ટ જીવનની શુભેચ્છાઓ તેમજ સારા ભવિષ્ય વિશે શુભકામનાઓ પાઠવી હતી. શ્રીમતી મુરજાણીએ પોતાના 32 વર્ષનાં અનુભવને યાદ કરતા ભાવનાત્મક વાતાવરણ સર્જાયું હતું. ગાંધીધામ મૈત્રી મંડળ તેમજ શાળા પરિવારનો આભાર વ્યક્ત કર્યો હતો. જ્યોતિ મુજાણીએ શાળાનાં તમામ વિદ્યાર્થીઓને મીઠું મોઢું કરાવ્યું હતું. તેમજ શાળાને ભેટ અર્પણ કરવામાં આવી હતી. સ્ટાફ સાથે લંચની વ્યવસ્થા પણ કરવામાં આવી હતી. સમગ્ર કાર્યક્રમનું સંચાલન શાળાનાં શિક્ષક શ્રી દિનેશરાજ લીલન દ્વારા કરવામાં આવ્યું.

આ પ્રકારના તમામ સમાચાર માટેે App ડાઉનલોડ કરો.