કન્સ્ટ્રકશન સાઈટ પર ત્રીજા માળેથી પટકાતા યુવકનું ઘટના સ્થળે મોત

મવડીમાં બાપાસિતારામ ચોક પાસે આવેલ બાંધકામ સાઈટ પર ત્રીજા માળેથી પટકાતા શ્રમીક દેવિપુજક યુવકનું ઘટના સ્થળે જ મોત નિપજતાં પરીવારમાં આક્રંદ છવાયો હતો.પ્રાપ્ત વિગત અનુસાર, ગુરુકુળ રોડ પર લોહાનગરમાં રહેતાં કાનાભાઈ ચોથાભાઈ કલાડીયા (ઉ.વ.29) ગઈકાલે મવડીમાં બાપાસિતારામ ચોક પાસે આવેલ સાનીધ્ય કન્ટ્રકશન સાઈટ પર લાદીકામ કરવા માટે ગયો હતો. ત્યારે તે ત્રીજા માળે વાટા ભરવાનું કામ કરતો હતો ત્યારે તેનો પગ લપસતાં નિચે પટકાયો હતો. જેમાં તેને ગંભીર ઈજા પહોંચતા ઘટના સ્થળે જ પ્રાણપંખેરૂ ઉડી ગયુ હતું. ઘટના સ્થળે એકઠા થયેલ લોકોએ 108ને જાણ કરતા 108ના ઈએનટીએ યુવકને તપાસી મૃત જાહેર કર્યો હતો.બનાવ અંગે જાણ થતાં તાલુકા પોલીસનો સ્ટાફ દોડી આવ્યો હતો અને જરૂરી કાગળો કરી મૃતદેહને પી.એન.અર્થે સીવીલ હોસ્પિટલે ખસેડાયો હતો. વધુમાં મૃતક છભાઈમાં વચ્ચે અને સંતાનમાં એક પુત્રી છે બનાવથી પરીવારમાં કાળો કલ્પાંત ફરી વળ્યો હતો.

આ પ્રકારના તમામ સમાચાર માટેે App ડાઉનલોડ કરો.