સાબરકાંઠા જિલ્લામાં પોષણ અભિયાન અંતર્ગત ઇડર નેત્રામલી ખાતે કાર્યક્ર્મ યોજાયો
સાબરકાંઠા જિલ્લામાં પોષણ અભિયાન અંતર્ગત ઇડર નેત્રામલી ખાતે કાર્યક્ર્મ યોજાયો
*****
સાબરકાંઠા જિલ્લાના ઇડર તાલુકાના ઘટક ૧૨૩ દ્વારા નેત્રામલી ગામ ખાતે પોષણ પખવાડિયા ની ઉજવણી અંતર્ગત ધારાસભ્યશ્રી રમણલાલ વોરાની અધ્યક્ષતામાં કાર્યક્ર્મ યોજાયો.
ગુજરાત રાજ્ય સહિત સમગ્ર સાબરકાંઠા જિલ્લામાં પોષણ પખવાડીયાની ઉજવણી તા. ૨૦ માર્ચથી ૩જી એપ્રિલ ૨૦૨૩ દરમિયાન થશે. આ વર્ષ -૨૦૨૩ ને આંતરરાષ્ટ્રીય મિલેટ (શ્રીધાન્ય) વર્ષ તરીકે જાહેર કરવામાં આવ્યું છે. આ ધાન્યોના પોષણ- સુખાકારી માટે ના ફાયદા અને વિશેષતાઓ અંગે જાગૃતિ લાવવા અને લોકસમુદાયમાં લોકપ્રિય બનાવા આ અભિયાન અંતર્ગત કામગીરી થશે.
નેત્રામલી ખાતેના આ કાર્યક્ર્મમાં મિલેટ ધાન્ય જેવા કે બાજરી ,જુવાર,રાગી ,રાજગરો ,સામો અને કાંગ માંથી ક્યાં પોષક તત્વો મળે અને તેનું મહત્વ સમજાવામાં આવ્યું અને આ મિલેટ ધાન્યમાંથી બનાવેલી વાનગીનું નિદર્શન કરવામાં આવ્યું. આ મિલેટમાંથી મળતા પોષક તત્ત્વો વિશે પી.પી.ટી. દ્વારા ગામ લોકોને સમજ આપવામાં આવી હતી. આ કાર્યાક્ર્મમાં તાલુકા પ્રમુખશ્રી હર્ષા વણકર, નગરપાલિકાપ્રમુખ શ્રી જયસિંહભાઈ તવર,નેત્રામલી ગામના સરપંચશ્રી, ગ્રામ પંચાયતના સભ્યો, સી.ડી.પી.ઓ. શ્રી, મુખ્યસેવીક બહેનો, એન.એન.એમ સ્ટાફ, આંગણવાડી કાર્યકર તેમજ તેડાગર બહેનો અને ગ્રામજનો ઉપસ્થિત રહ્યા હતા.
૦૦૦૦૦૦
આ પ્રકારના તમામ સમાચાર માટેે
App ડાઉનલોડ કરો.