આવો સૌ સાથે મળી રાષ્ટ્રધ્વજ લહેરાવીએ તિરંગાના સન્માન સાથે દોડ લગાવીએ
ગેટ સેટ ગો: આઝાદી કા અમૃત મહોત્સવ અંતર્ગત હર ઘર તિરંગા અભિયાન અન્વયે શાળાઓમાં દોડ સ્પર્ધા યોજાઇ
આઝાદીના અમૃત મહોત્સવ અન્વયે શરૂ થયેલ અનોખી ઉજવણીના ભાગરૂપે હર ઘર તિરંગા અભિયાનમાં રાજ્યની તમામ શાળાઓ હર્ષોલ્લાસ, ઉમંગ અને ઉત્સાહભેર ભાગ લઈ રહી છે. આ કાર્યક્રમ અંતર્ગત બોટાદ જિલ્લાની સરકારી શાળાઓમાં આયોજિત દોડ સ્પર્ધામાં ભાગ લઈ બાળકોએ હોંશે-હોંશે હર ઘર તિરંગા અભિયાનને વધાવ્યું હતું. ઉપરાંત શાળાઓમાં નિબંધ, ચિત્ર, કવિતા સહિતની અનેક સ્પર્ધાઓમાં પણ વિદ્યાર્થીઓ આનંદપૂર્વક જોડાયાં હતા.
દોડ સ્પર્ધામાં ભાગ લઈ વિજેતા થનારા વિદ્યાર્થીઓએ આનંદ વ્યક્ત કરતાં જણાવ્યું હતું કે, આ સ્વતંત્રતા પર્વ નિમિત્તે આયોજિત હર ઘર તિરંગા અભિયાન અંતર્ગત અમારી શાળામાં અનેક સ્પર્ધાઓ યોજાઈ જેમાં ભાગ લઈ અમને ખૂબ આનંદ થયો. આ વર્ષે અમે અમારી શાળાના ધ્વજવંદન કાર્યક્રમમાં તો જોડાશું જ સાથોસાથ અમારા ઘરે પણ તિરંગો લહેરાવશું.
રિપોર્ટર:ચિંતન વાગડીયા
મો:8000834888
આ પ્રકારના તમામ સમાચાર માટેે
App ડાઉનલોડ કરો.