હરિયાણાની જીત પર દિલ્હી બીજેપી હેડક્વાર્ટરમાં ઉજવણી:PM મોદી થોડીવારમાં પાર્ટી મુખ્યાલય પહોંચશે, ગૃહમંત્રી શાહ અને રાષ્ટ્રીય અધ્યક્ષ જેપી નડ્ડા પહોંચ્યા

હરિયાણા અને જમ્મુ-કાશ્મીર વિધાનસભા ચૂંટણીના પરિણામો આવી ગયા છે. હરિયાણામાં ભાજપની સરકાર બની રહી છે. પાર્ટીએ 48 બેઠકો કબજે કર્યો છે. આ સાથે જ જમ્મુ-કાશ્મીરમાં ભાજપને 29 બેઠકો મળી છે. હરિયાણા ચૂંટણીમાં જીત પર પાર્ટીમાં ભારે ખુશી છે. દિલ્હી અને ચંદીગઢમાં પાર્ટી હેડક્વાર્ટરમાં ફટાકડા ફોડવામાં આવ્યા, મીઠાઈઓ વહેંચવામાં આવી અને કાર્યકરોએ જોરશોરથી ડાન્સ પણ કર્યો હતો. બંને રાજ્યોની વિધાનસભા ચૂંટણીના પરિણામોની જાહેરાત વચ્ચે વડાપ્રધાન નરેન્દ્ર મોદી થોડા જ સમયમાં દિલ્હીમાં બીજેપી હેડક્વાર્ટર પહોંચશે. તેઓ બંને રાજ્યોના ચૂંટણી પરિણામોને લઈને કાર્યકર્તાઓને સંબોધિત કરશે. અધ્યક્ષ જેપી નડ્ડા પહોંચી ગયા છે, ગૃહમંત્રી શાહ અને રક્ષા મંત્રી રાજનાથ સિંહ પાર્ટી કાર્યાલય પહોંચ્યા છે. નડ્ડાની બેઠકમાં 2 સંગઠન મહાસચિવ, 8 રાષ્ટ્રીય મહાસચિવ સાથે બેઠક કરી
જેપી નડ્ડા દ્વારા બોલાવવામાં આવેલી બેઠકમાં ભાજપના રાષ્ટ્રીય સંગઠન મહાસચિવ બીએલ સંતોષ અને સંયુક્ત સંગઠન મહાસચિવ શિવ પ્રકાશ હાજરી આપશે. આ ઉપરાંત સંજય બંડી, રાધા મોહન અગ્રવાલ, સુનીલ બંસલ, વિનોદ તાવડે, તરુણ ચુગ, દુષ્યંત કુમાર ગૌતમ, અરુણ સિંહ અને રામ રામ માધવનો પણ સામેલ થશે. આ 8 રાષ્ટ્રીય મહાસચિવોને જમ્મુ-કાશ્મીર, હરિયાણા તેમજ મહારાષ્ટ્ર અને ઝારખંડમાં પાર્ટીની ચૂંટણીની તૈયારીની જવાબદારી સોંપવામાં આવી હતી.

આ પ્રકારના તમામ સમાચાર માટેે App ડાઉનલોડ કરો.