ખેરાલુ પાલિકા ખાતે સેવાસેતુમાં ૩૨૯ અરજીનો નિકાલ કર્યો

ખેરાલુ નગરપાલિકા ખાતે સેવા સેતુ કાર્યક્રમનું આયોજન કરવામાં આવ્યું હતું. જેમાં સરકારની વિવિધ યોજનાઓ ઘર આંગણે મળી રહે તે હેતુથી ૧૦ મા તબક્કાનો સેવા સેતુ કેમ્પ યોજાયો હતો. જેમાં ખેરાલુ ધારાસભ્ય સરદાર ચૌધરીની આગેવાનીમાં આ કાર્યક્રમને ખુલ્લો મુકાયો હતો. તેમની સાથે ન.પા.પૂર્વ પ્રમુખ હેમંતભાઈ શુક્લ,શહેર ભાજપ પ્રમુખ વી.ડી.દેસાઈ, નગરપાલિકા ચીફ ઓફિસર પ્રેરક પટેલ, પૂર્વ કોર્પોરેટર ગોવિંદભાઈ પ્રજાપતિ, જેઠાભાઈ પ્રજાપતિ, સહિતના આગેવાનો અને ભાજપના સંગઠનના હોદ્દેદારો અને મોટી સંખ્યામાં શહેરીજનો ઉપસ્થિત રહ્યા હતા. જેમાં સરકારની વિવિધ યોજનાઓ વિશે ધારાસભ્યએ માહિતી આપી હતી સાથે નગરપાલિકાના અધિકારીઓને ટકોર કરી હતી. આવનારા સમયમાં સેવા સેતુ રાખવામાં આવે તો અગાઉથી શહેરમાં જાણ કરવામાં આવે જેથી મોટી સંખ્યામાં લાભાર્થીઓને લાભ મળે તેવું તેમને જણાવ્યું હતું અને આ કાર્યક્રમમાં સવારથી સાંજ સુધી ૩૨૯ અરજીઓ આવી હતી જેનો નિકાલ કરાયો હોવાનું ચીફ ઓફિસરે જણાવ્યું હતું.

આ પ્રકારના તમામ સમાચાર માટેે App ડાઉનલોડ કરો.