જસદણના કલાકારને મળ્યો સોશિયલ મીડિયા ઈનફ્લુએન્સર એવોર્ડ

તા. ૧૫ ઓક્ટોમ્બર ના રોજ વડોદરા ખાતે "GCMA" ગુજરાત સિને મીડિયા એવોર્ડ શ્રી અમિતભાઈ પટેલ અને મુનાફભાઈ તાજાની દ્વારા "સોશિયલ મીડિયા ઈનફ્લુએન્સર એવોર્ડ" નુ આયોજન કરવામાં આવ્યું હતું. જેમાં આખા ગુજરાતમાંથી ઘણા બધા નાના મોટા ડાન્સર, પ્રોડ્યુસર, એક્ટર, મોડેલ, સિંગર, લેખક વગેરે વગેરે કલાકારો ઉપસ્થિત રહ્યાં હતા. આ શોમાં જસદણ શહેરનાં નામાંકીત ડાન્સર, એક્ટર, મોડેલ તેમજ કોરીયોગ્રાફર અને નટરાજ ડાન્સ એકેડેમી ચલાવતા ડાંસ ટીચર એવા નિકુલ રાખોલિયાની પસંદગી થઈ હતી અને તેઓ પણ ત્યાં હાજર રહ્યા હતાં. નિકુલ રાખોલિયાને પણ કોરીયોગ્રાફર તરીકે "સોશિયલ મીડિયા ઈનફ્લુએન્સર એવોર્ડ" આપીને સન્માનિત કરવામાં આવ્યા હતાં, નિકુલ રાખોલિયાને થોડા સમય પહેલા "ગુજરાતી ફિલ્મ ફેમિલી એવોર્ડ" અને ગુજરાતી વિરલા એવોર્ડ" આપીને પણ સન્માનિત કરાયા હતા. આ તકે આપણા જસદણ શહેર અને પોતાના પરિવારનું નામ રોશન કરેલ છે. નિકુલ રાખોલિયાએ ગુજરાતી બે અર્બન ફિલ્મ તેમજ એક હિન્દી બોલીવુડ ફિલ્મમાં પણ રોલ કરી ચૂક્યા છે. ખુબ પ્રખ્યાત અને બધાને મન ગમતું ગીત "ગોરી તમે મનડાં લીધા મોહી" આ ગીતમાં અને ફિલ્મમાં પણ નિકુલ રાખોલિયા તમને નજરે પડશે.

આ પ્રકારના તમામ સમાચાર માટેે App ડાઉનલોડ કરો.