મંદિર-મસ્જિદ વિવાદમાં 4નાં મોત, 20 ઘાયલ:સ્કૂલ-ઇન્ટરનેટ બંધ; 1 ડિસેમ્બર સુધી સંભલમાં બહારના લોકોને નો એન્ટ્રી; સાંસદ ચંદ્રશેખર સંભલ જવા મક્કમ

ઉત્તર પ્રદેશના સંભલમાં રવિવારે ભારે હિંસા થઈ હતી. જામા મસ્જિદના સર્વેક્ષણનો વિરોધ કરી રહેલા પ્રદર્શનકારીઓ અને પોલીસ વચ્ચેની અથડામણમાં ચાર લોકો માર્યા ગયા, 20 સુરક્ષા કર્મચારીઓ અને ચાર વહીવટી કર્મચારીઓ અને અન્ય ઘણા લોકો ઘાયલ થયા હતા. આ દરમિયાન, પથ્થરો કરવામાં આવ્યો હતો, પ્રદર્શનકારીઓએ વાહનોને આગ લગાવી હતી અને પોલીસે ભીડને વિખેરવા માટે ટીયર ગેસ અને લાઠીચાર્જ કર્યો હતો. ડીઆઈજીએ કહ્યું- 21 લોકોની ધરપકડ
DIG મુનિરાજ જીએ કહ્યું- હિંસા કરનાર બે મહિલાઓ સહિત લગભગ 21 લોકોની પોલીસે ધરપકડ કરી છે. લોકોને શાંતિ જાળવવા માટે અપીલ કરી હતી.
આ સિવાય પોલીસે 400 લોકો સામે FIR નોંધાઈ છે. મોટાભાગના ઘરોને તાળા લાગેલા છે સંભલમાં, જ્યાં હિંસા થઈ હતી, મોટાભાગના લોકો તેમના ઘરને તાળા મારીને અન્ય સ્થળોએ જતા રહ્યા છે. આ વિસ્તારના મોટાભાગના ઘરોના તાળા લાગ્યા છે. શેરીઓમાં માત્ર પોલીસ બંદોબસ્ત છે. સંભલમાં બજાર સંપૂર્ણપણે બંધ
આજે સંભલમાં બજાર સંપૂર્ણપણે બંધ છે. લોકો દુકાનો ખોલતા ડરે છે. હોટલો અને ગેસ્ટ હાઉસ પણ બંધ છે. વિવિધ સ્થળોએ પોલીસ દળ તહેનાત છે. સંભલમાં 5ના મોતની અફવા પર કમિશનરે કહ્યું- કોઈ માહિતી નથી સંભલમાં ચારના મોતની પુષ્ટિ કરવામાં આવી છે. 5ના મોતની અફવા પર કમિશનર ઓંજની સિંહે કહ્યું કે અમારી પાસે 5 લોકોના મોત અંગે કોઈ માહિતી નથી. માત્ર 4 મૃતદેહોનું પોસ્ટમોર્ટમ થયું છે. એસટી હસને કહ્યું- મુસ્લિમોએ સંયમ રાખવો જોઈએ, તેમને જ નુકસાન થશે મુરાદાબાદના પૂર્વ સપા સાંસદ ડૉ. એસટી હસને કહ્યું- જો હિન્દુ-મુસ્લિમ વચ્ચેની આ રાજનીતિ બંધ નહીં થાય તો આવનારી પેઢીઓ જોખમમાં આવી જશે. મુસ્લિમોને સંયમ રાખવાની અપીલ કરી. કહ્યું કે તરબૂચ છરી પર પડે કે છરી તરબૂચ પર પડે, તરબૂચ જ કપાય છે. દરેક પરિસ્થિતિમાં નુકસાન તેમનું જ છે. સંભલની જામા મસ્જિદનો ડ્રોન વીડિયો ઓવૈસીએ કહ્યું- સંભલમાં જવાબદાર અધિકારીઓ સામે કાર્યવાહી થવી જોઈએ સંભલમાં વિવિધ સ્થળોએ ફ્લેગ માર્ચ, સમગ્ર શહેરમાં પોલીસ તહેનાત સંભલ હિંસા બાદ વહેલી સવારે સમગ્ર શહેરમાં ફ્લેગ માર્ચ કાઢવામાં આવી હતી. શહેરના તમામ મુખ્ય ચોકો પર બેરિકેડિંગ કરવામાં આવ્યું છે. શહેરમાં પ્રવેશતા માર્ગો પર પણ પોલીસ તહેનાત છે. બજારો અને દુકાનો સંપૂર્ણપણે બંધ છે. 20 પોલીસકર્મી ઘાયલ, ડેપ્યુટી કલેક્ટરના પગમાં ફ્રેક્ચર મુરાદાબાદના ડિવિઝનલ કમિશ્નર અંજનેય કુમાર સિંહે કહ્યું કે બદમાશોએ ગોળીબાર કર્યો હતો, એસપીના પીઆરઓને પગમાં ગોળી વાગી હતી, સીઓને પણ ઈજા થઈ હતી અને હિંસામાં 20 સુરક્ષા કર્મચારીઓ ઘાયલ થયા હતા. તેમણે કહ્યું કે એક કોન્સ્ટેબલને પણ માથામાં ગંભીર ઈજા થઈ છે.જ્યારે ડેપ્યુટી કલેકટરના પગમાં ફ્રેકચર થયું છે. સંભલમાં ઈન્ટરનેટ સેવાઓ 24 કલાક માટે બંધ કરવામાં આવ્યું છે, જિલ્લા વહીવટીતંત્રે 25 નવેમ્બરે ધોરણ 12 સુધીના તમામ વિદ્યાર્થીઓ માટે રજા જાહેર કરી છે. ડીએમના આદેશ પર, 1 ડિસેમ્બર સુધી બહારના લોકોના પ્રવેશ પર રોક લગાવવામાં આવી છે, જેના કારણે શહેરની સરહદ સીલ કરી દેવામાં આવી છે. સંભલ હિંસામાં આ 4 લોકોએ જીવ ગુમાવ્યો હતો સંભલ હિંસામાં ચાર લોકોના મોત થયા હતા. મૃતકોની ઓળખ નઈમ, બિલાલ અંસારી, નૌમાન અને મોહમ્મદ કૈફ તરીકે થઈ છે. નૌમાન અને બિલાલ અંસારીને રાત્રે 11 વાગ્યે દફનાવવામાં આવ્યા હતા. હિંસા અંગે રાષ્ટ્રીય માનવાધિકાર આયોગમાં ફરિયાદ દાખલ કરવામાં આવી છે. સંભલમાં પોલીસ ગોળીબારના કારણે 4 યુવાનોના મોત થયાનો આક્ષેપ કરતી એક ખાનગી સંસ્થા દ્વારા આયોગને વીડિયો પણ મોકલવામાં આવ્યો છે. ચંદ્રશેખર આઝાદે આજે સંભલ જવાની જાહેરાત કરી હતી એક તરફ સંભલમાં 1 ડિસેમ્બર સુધી બહારના લોકોના પ્રવેશ પર પ્રતિબંધ છે, તો બીજી તરફ ભીમ આર્મી ચીફ અને નગીના સાંસદ ચંદ્રશેખર આઝાદે જાહેરાત કરી છે કે તેઓ સોમવારે એટલે કે આજે સંભલ જશે અને મૃતકોના પરિવારજનોને મળશે. ચંદ્રેશખાર આઝાદે X પર લખ્યું છે કે સરકારની ગોળીઓ સીધી બહુજનોં પર ચલાવવામાં આવે છે. આ એક કડવું સત્ય છે, જેને આપણાથી વધુ સારી રીતે કોઈ સમજી શકે તેમ નથી. SC/ST આંદોલન હોય, ખેડૂત આંદોલન હોય કે પછી CAA વિરોધી આંદોલન...દર વખતે સરકારના ઈશારે પોલીસે નિઃશસ્ત્ર આંદોલનકારીઓ પર સીધો ગોળીબાર કરીને આપણા લોકોના જીવ લીધા છે. હું જલ્દી જ ઘાયલ પોલીસકર્મીઓને મળીશ અને આ હિંસાનું સત્ય દેશ સમક્ષ લાવવાનો પ્રયાસ કરીશ. અખિલેશ યાદવે સરકારને ઘેરી હતી સમાજવાદી પાર્ટીના વડા અખિલેશ યાદવે X પર એક પોસ્ટમાં કહ્યું કે સર્વોચ્ચ અદાલતે સર્વેના નામે તંગદિલી ફેલાવવાના કાવતરાની તાત્કાલિક ધ્યાનમાં લેવો જોઈએ અને સામાજિક સમરસતાને ખલેલ પહોંચાડવાના હેતુથી સૂત્રોચ્ચાર કરનારાઓને પોતાની સાથે લઈ જનારાઓ સામે કેસ નોંધવો જોઈએ. બાર એસોસિએશને પણ તેની સામે શિસ્તભંગ અને શિક્ષાત્મક પગલાં લેવા જોઈએ. અખિલેશે કહ્યું કે ઉત્તર પ્રદેશ પ્રશાસન પાસેથી ન તો કોઈ અપેક્ષા હતી અને ન તો છે. હિંસાને કારણે રસ્તા પર ઈંટો અને પથ્થરો વિખરાયેલા પડ્યા છે હિંસાની તસવીરોમાં દેખાવકારો ઈમારતોની છત પરથી અને શાહી જામા મસ્જિદની સામે પોલીસ પર પથ્થરમારો કરી રહ્યાં છે. એક શેરીમાં મોટી સંખ્યામાં ચપ્પલ, ઈંટો અને પથ્થરો વિખરાયેલા હતા. આ ઘટનાનો એક વીડિયો સોશિયલ મીડિયા પર વાયરલ થઈ રહ્યો છે, આમાં કેટલાક પોલીસકર્મીઓ એક શેરી તરફ ગોળીઓ વરસાવતા જોઈ શકાય છે. એક ક્લિપમાં, પોલીસ અધિક્ષક (SP) કૃષ્ણ કુમાર પથ્થરબાજોને હિંસા ન કરવા વિનંતી કરતા જોઈ શકાય છે. આ રાજકારણીઓ માટે તમારું ભવિષ્ય બગાડશો નહીં, તેઓ તેમના મેગાફોન પર કહેતા સાંભળી શકાય છે. 2 મહિલા સહિત 21 લોકોની અટકાયત ડિવિઝનલ કમિશનર અંજનેય કુમાર સિંહે કહ્યું કે પોલીસે પેલેટ ગનનો ઉપયોગ કર્યો છે, એવા કોઈ હથિયારનો ઉપયોગ કરવામાં આવ્યો નથી જેનાથી જાનહાનિ થઈ શકે. 21 લોકોની અટકાયત કરવામાં આવી છે. તેમની પાસેથી અનેક પ્રકારના હથિયારો મળી આવ્યા છે. જે જગ્યાએથી ફાયરિંગ થયું હતું ત્યાંથી વિવિધ પ્રકારના શેલ મળી આવ્યા છે. અટકાયત કરાયેલા લોકોના ઘરેથી હથિયારો પણ મળી આવ્યા છે. હિંસામાં સામેલ લોકો પર NSA લગાવવામાં આવશે નખાસા પોલીસ સ્ટેશન વિસ્તારમાં એક ઘરમાંથી ફાયરિંગ થયું હતું, જ્યાંથી બે મહિલાઓની અટકાયત કરવામાં આવી છે. સ્થાનિક કોર્ટના આદેશ પર જામા મસ્જિદનો સર્વે હાથ ધરવામાં આવતા મંગળવારથી સંભલમાં તણાવ છે. અરજીમાં દાવો કરવામાં આવ્યો હતો કે તે જગ્યાએ હરિહર મંદિર હતું. અંજનેય કુમાર સિંહે કહ્યું કે બે મહિલાઓ સહિત 21 લોકોની અટકાયત કરવામાં આવી છે, તપાસ શરૂ કરવામાં આવી છે, હિંસામાં સામેલ લોકો પર કડક રાષ્ટ્રીય સુરક્ષા કાયદા (NSA) હેઠળ કેસ કરવામાં આવશે. સંભલમાં વહેલી સવારે જામા મસ્જિદમાં સર્વે કરવા આવેલી ટીમને જોઈને મુસ્લિમ સમુદાયના લોકો ગુસ્સે થઈ ગયા હતા. રોષે ભરાયેલા ટોળાએ પોલીસ પર પથ્થરમારો કર્યો હતો. લોકોએ પોલીસ પર લગભગ ત્રણ કલાક સુધી પથ્થરમારો કર્યો હતો. પોલીસે ટોળાને વિખેરવા માટે ટીયર ગેસના શેલ છોડ્યા અને લાઠીચાર્જ કર્યો. SPએ નારાજ લોકોને સમજાવ્યા અને કહ્યું- રાજકારણીઓના નામે તમારું ભવિષ્ય બગાડો નહીં, પરંતુ લોકો કંઈ સાંભળવા તૈયાર ન હતા. સંભલમાં હિંસાની 25 તસવીરો...

આ પ્રકારના તમામ સમાચાર માટેે App ડાઉનલોડ કરો.