હુડકો કવાર્ટરમાંથી મોટો દારૂ-બિયરનો જથ્થો ઝડપાયો : મકાન માલીક સહિત બે ઝબ્બે

આરટીઓ ઓફિસની બાજુમાં આવેલ હુડકો કવાર્ટરમાંથી બી ડીવીઝન પોલીસે ત્રણ લાખનો દારૂ અને બીયરનો જથ્થો ઝડપી મકાન માલીક તુષાર ઉર્ફે ભુરો અને ધવલ સાકરીયાને પકડી કુલ રૂા. પ.88 લાખનો મુદ્દામાલ કબ્જે કર્યો હતો. જયારે નવાગામનો વિનય ઉર્ફે ભુરો નાસી છુટતા ત્યારે તેની શોધખોળ હાથ ધરી હતી.
દરોડાની વિગત અનુસાર બી ડીવીઝન પોલીસ મથકના પીઆઇ એસ.એમ.જાડેજાની રાહબરીમાં પીએસઆઇ કે.ડી.મારૂ ટીમ સાથે પેટ્રોલીંગમાં હતા ત્યારે સાથેના હેડ કોન્સ્ટેબલ રાજેશ બાળા, કોન્સ્ટેબલ ભાનુશંકર ધાંધલા અને રાજદીપ પટગીરને આરટીઓ પાસે આવેલ હુડકો કવાર્ટરમાં રહેતા તુષાર ઉર્ફે ભુરો હોતચંદ સાવલાણીના મકાનમાં દારૂનો જથ્થો ઉતાર્યો હોવાનું મળેલ ચોકકસ બાતમીના આધારે સ્ટાફે દરોડો પાડી મકાન માલીક તુષાર ઉર્ફે ભુરો અને ધવલ દિનેશ સાકરીયા (ઉ.વ.20, રહે. ભગવતપરા, ગોડલ)ને દબોચી મકાનમાંથી વિદેશી દારૂની 657 બોટલ અને બીયરના 405 ટીન મળી રૂા. બે લાખનો દારૂ કબ્જે કરી સાથે કાર, એકસેસ બાઇક અને ત્રણ મોબાઇલ મળી કુલ રૂા. પ.88 લાખનો મુદ્દામાલ કબ્જે કર્યો હતો. જયારે દરોડા દરમ્યાન બુટલેગર વિનય ઉર્ફે ભુરો મનસુખ ડાભી (રહે. નવાગામ રંગીલા) નાસી છુટતા તેની પોલીસે શોધખોળ હાથ ધરી હતી.
વધુમાં પોલીસ સુત્રોએ જણાવ્યું હતું કે ત્રણે બુટલેગરોએ સાથે મળીને ગઇકાલે દારૂનો જથ્થો તુષાર ઉર્ફે ભુરાના મકાનમાં ઉતાર્યો હતો અને સાંજના સમયે કટીંગ કરે તે પહેલા જ પોલીસે દરોડો પાડી મોટો દારૂનો જથ્થો ઝડપાી પાડયો હતો.

આ પ્રકારના તમામ સમાચાર માટેે App ડાઉનલોડ કરો.