મંત્રી શ્રી ગજેન્દ્રસિંહ પરમારની અધ્યક્ષતામાં વિશ્વાસ થી વિકાસ યાત્રા કાર્યક્રમ યોજાશે

મંત્રી શ્રી ગજેંદ્રસિંહ પરમારની અધ્યક્ષતામાં વિશ્વાસ થી વિકાસ યાત્રા કાર્યક્રમ યોજાશે

આઝાદી કા અમૃત મહોત્સવ અંતર્ગત વિશ્વાસ થી વિકાસ યાત્રા અન્ન અને નાગરીક સુરક્ષા રાજ્યકક્ષા મંત્રીશ્રી ગજેંદ્રસિંહ પરમારની અધ્યક્ષતામાં તા. ૧૭ સપ્ટેમ્બર ૨૦૨૨ના શનિવાર સવારે ૧૦ કલાકે સાબરડેરી હિંમતનગર ખાતે જિલ્લાકક્ષાનો કાર્યક્રમ યોજાશે.
આ કાર્યક્ર્મમાં મુખ્યમંત્રીશ્રી ભૂપેન્દ્રભાઇ પટેલનો અમદાવાદ ખાતે યોજાનાર રાજ્યકક્ષાનો કાર્યક્રમ લાઇવ નિહાળવામાં આવશે. જિલ્લાકક્ષાના કાર્યક્રમમાં સાબરકાંઠા જિલ્લાની ગ્રામિણ તથા શહેરી સખી મંડળની બહેનોને કેશ ક્રેડીટ, કોમ્યુનીટી ઇન્વેસ્ટમેન્ટ ફંડ તથા આયુષ્યમાન કાર્ડ એનાયત કરવામાં આવશે. ઉપરાંત સહભાગી મહિલાઓ માટે આરોગ્ય વિભાગ ધ્વારા ફ્રી મેડીકલ કેમ્પ પણ યોજવામાં આવશે.
આ કાર્યક્ર્મમાં સાંસદશ્રી દિપસિંહ રાઠોડ, રાજ્યસભા સાંસદ શ્રીમતી રમિલાબેન બારા, જિલ્લા પંચાયત પ્રમુખશ્રી ધીરજભાઇ પટેલ, હિંમતનગર નગરપાલિકા પ્રમુખ શ્રીમતી યતિનાબેન મોદી, હિંમતનગર ધારાસભ્યશ્રી રાજેન્દ્રસિંહ ચાવડા, ઇડર ધારાસભ્યશ્રી હિતુભાઇ કનોડિયા, ખેડબ્રહ્મા પૂર્વ ધારાસભ્યશ્રી અશ્વિનભાઇ કોટવાલ, પૂર્વ મંત્રીશ્રી રમણલાલ વોરા, જી.યુ.ડી.સી.ના ડિરેક્ટરશ્રી જે.ડી.પટેલ ઉપસ્થિત રહેશે.

અહેવાલ આબિદઅલી ભુરા સાબરકાંઠા

આ પ્રકારના તમામ સમાચાર માટેે App ડાઉનલોડ કરો.