જસદણના સંત હરિરામ બાપાના પ્રાગટ્ય દિવસની ભવ્યતાથી ઉજવણી થઈ
જસદણના સંત હરિરામ બાપાના પ્રાગટ્ય દિવસની ભવ્યતાથી ઉજવણી થઈ હતી. જસદણના જલારામ મંદિર ખાતે હરિરામ બાપાના પ્રાગટ્ય દિવસ નિમિત્તે વહેલી સવારે પૂજ્ય હરિરામ બાપાનાં ચિત્રજીની પૂજન વિધિ, આરતી, સ્તુતિ, ધૂન પાઠ વગેરે યોજાયા હતા. સાંજે ખાસ ધૂન તેમજ સુંદરકાંડના પાઠ, રામાયણના પાઠ, રામધૂન વગેરે યોજાયા હતા. રાત્રે મહા આરતી બાદ મોટી સંખ્યામાં ભકતજનો માટે મહાપ્રસાદનું આયોજન થયું હતું. જસદણ જલારામ સત્સંગ મંડળ તેમજ સમસ્ત હરિ પરિવારના લોકો સહિત મોટી સંખ્યામાં ભાવિકો ભકતજનો ઉપસ્થિત રહ્યા હતા. અત્રે ઉલ્લેખનીય છે કે સંત પૂજ્ય હરિરામ બાપા પ્રેરિત જસદણના જલારામ મંદિરે છેલ્લા કેટલાક દાયકાથી બંને ટાઈમ વિનામૂલ્યે અન્નક્ષેત્ર તેમજ ૨૪ કલાકની અખંડ રામધૂન અવિરત ચાલુ છે આ સેવા યજ્ઞમાં અનેક લોકો લાભ લઈ રહ્યા છે.
આ પ્રકારના તમામ સમાચાર માટેે
App ડાઉનલોડ કરો.