તમાકુ નિયંત્રણ ટાસ્ક ફોર્સ-સ્કોર્ડ દ્વારા રોજીદ ગામની શાળાની આજુબાજુ ના વિસ્તારમાં આકસ્મિક ચેકિંગ/રેડ

(ચિંતન વાગડીયા દ્વારા)
સવિનય સાથ જણાવવાનું કે સરકારના રાષ્ટ્રીય તમાકુ નિયંત્રણ કાર્યક્રમ અંતર્ગત માન.ક્લેકટર જેન્સી રોય મેડમ અને જિલ્લા વિકાસ અધિકારી અક્ષય બુડાણીયા સાહેબ અને આરોગ્ય વિભાગના મુખ્ય જીલ્લા આરોગ્ય અધિકારી ડૉ.બી.કે વાગડીયાની અધ્યક્ષતામાં બોટાદ જીલ્લામાં તમાકુ કે તમાકુની બનાવટનું બિન અધિકૃત રીતે વેચાણ અને આનુસંગિક નિયમન માટે ટાસ્ક ફોર્સ સેલ કામગીરી કરી રહ્યું છે.તમાકુ વિરોધી કાયદો “સિગારેટ એન્ડ અધર ટોબેકો પ્રોડક્ટએક્ટ” (કોટપા-૨૦૦૩)નું સધન અમલીકરણ થાય તે હેતુથી પ્રા.આ.કેન્દ્ર ભીમનાથ દ્વારા ટાસ્ક ફોર્સ દ્વારા સરપ્રાઈઝ ચેકિંગ /રેડ ની કામગીરી આજરોજ તા.3/10/2024 ના રોજ સવારે 11.00 કલાકથી બરવાળા ના રોજીદ શાળા પાસે ચેકીંગની કામગીરી હાથ ધરવામાં આવી હતી જેમાં તમાકુ કે તમાકુની બનાવટ વહેચતા નાંના-મોટા વેપારીઓ,પાન-ગલ્લા પાર્લર વગેરે 12 સ્થળો પર આકસ્મિક ચેકિંગ હાથ ધરી જેટલા દુકાન ધારકો પાસેથી રૂ.1100/-અંકે એક હજાર સોં રૂપિયાનો દંડ વસુલ કરવામાં આવેલ હતો.જેમાં વેપારીઓ દ્વારા “તમાકુથી કેન્સર થાય છે” અને “૧૮ વર્ષથી નાની ઉંમરની વ્યક્તિનેતમાકુ નું વેચાણએ દંડનીય ગુનો છે” અને “સિગારેટ તથા બીડીના છુટક વેચાણ પ્રતિબંધિત છે.” એવું લખાણ સાથે નિર્દિષ્ટ આરોગ્ય વિષયક ચેતવણી વિના સિગારેટસ અને તમાકુર્ની અન્ય બનાવટોનું વેચાણ કરવા પર પ્રતિબંધ.બીડી,બીસ્ટોલ/સિગારેટના પેકેટ ઉપર ૮૫% ભાગમાં“તમાકુ જીવલેણ છે.તમાકુના સેવનથી કેન્સર થાય છે.”તેવું સચિત્ર ચેતવણી અને શાળાની આજુ બાજુમાં તમાકુ વેચાણ પ્રતિબંધિત જેવી બાબતો સાથે પાકા બીલ વગરની પરદેશી બનાવટની ઈમ્પોટેડ સિગારેટનું બિન અધિકૃત રીતે વેચાણ એ બાબતો આવરી લેવામાં આવી હતી આ કામગીરીમાં પ્રાથમિક આરોગ્ય કેન્દ્રના મેડીકલ ઓફિસર ડૉ.પરમાર સોનલબેન અને સુપરવાઈઝર ચાવડા બ્રિજેશભાઈ, મ.પ.હે.વ ગૌતમ મકવાણા , ફિહેવ મીનાબેન કણજરિયા પોલીસ કોન્સ્ટેબલ મહેન્દ્ર ભાઈ ખાચર દ્વારા આ કામગીરી ખુબ જ ચોકસાઈ પૂર્વક કરવામાં આવી હતી આ અંગેની વિગત આપના સમાચાર પત્રમાં પ્રસિદ્ધ કરવા વિનંતી છે.

આ પ્રકારના તમામ સમાચાર માટેે App ડાઉનલોડ કરો.