ગેસ ચાલુ કરી ઓશિકુ સળગાવી અગ્નિસ્નાન કરી જીવન ટૂંકાવી લીધું

મવડી ગામ પંચશીલ સોસાયટીમાં રહેતાં વૃધ્ધે રસોડામાં ગેસ સળગાવી તેમાંથી ઓશીકુ સળગાવી બાદમાં પોતાના શરીર પર સળગતુ ઓશીકુ રાખી અગ્નિસ્નાન કરી આપઘાત કરી લેતાં પરિવારમાં શોક છવાયો છે. બનાવની વધુ વિગતો મુજબ,પંચશીલ સોસાયટી-7માં રહેતાં વશરામભાઇ દેશાભાઇ વાઘેલા (ઉ.વ.75) નામના વૃધ્ધ ઘરે સળગી જતાં ઘટના સ્થળે મોત નિપજ્યું હતું.
108ના ઇએમટીએ જાણ કરતાં તાલુકા પોલીસ મથકના પીએસઆઇ આર. જે. ચારણ અને સંજયભાઇએ જરૂરી કાર્યવાહી કરી હતી.પોલીસ તપાસમાં ખુલ્યા મુજબ આપઘાત કરનારને સંતાનમાં એક પુત્ર છે.જે ખાનગી નોકરી કરે છે.સાંજે વશરામભાઇના પત્નિ ઘરની ડેલીએ હતાં ત્યારે તેમણે રૂમમાંથી રસોડામાં પહોંચી ગેસ ચાલુ કરી ઓશીકુ સળગાવી તેનાથી અગ્નિસ્નાન કરી લીધું હતું.બિમારીથી કંટાળીને આ પગલુ ભર્યાનું ખુલ્યું હતું.

આ પ્રકારના તમામ સમાચાર માટેે App ડાઉનલોડ કરો.