અમદાવાદ ઝોન – ૬ ની હદમાં પોલીસ દ્વારા છેલ્લા એક વર્ષમાં પકડાયેલ વિદેશી દારૂ નાશ કરવામાં આવ્યો.
અમદાવાદ શહેર પોલીસ કમિશ્નર શ્રી જ્ઞાનેન્દ્ર સિંહ મલિક દ્વારા અમદાવાદ શહેરના જુદા જુદા પોલીસ સ્ટેશનમાં ભૂતકાળના સમયમાં ભારતીય બનાવટના વિદેશી દારૂના ગુનાઓમાં કબજે કરવામાં આવેલ ભારતીય બનાવટનો વિદેશી દારૂનો મુદ્દામાલ પેન્ડિંગ હોય, તેના નાશ કરવા અંગેના નામદાર કોર્ટમાંથી હુકમ મેળવી અને નાશ કરી નિકાલ કરવા માટે ખાસ ઝુંબેશ હાથ ધરવા શહેરના તમામ પોલીસ અમલદારો ને સૂચનાઓ કરવામાં આવેલ હતી,
અમદાવાદ શહેરના ઇન્ચાર્જ સયુંકત પોલીસ કમિશ્નર સેકટર -૨ નીરજ બડગુજર, નાયબ પોલીસ કમિશ્નર, ઝોન ૬ રવિ મોહન સૈની દ્વારા કરવામાં આવેલ સૂચના આધારે "જે " ડિવિઝનના એ.સી.પી પ્રદિપસિંહ જાડેજા તથા કે ડિવિઝન એ.સી.પી યુવરાજસિંહ ગોહિલના માર્ગદર્શન હેઠળ ઝોન ૬ ના મણિનગર, ઈસનપુર, વટવા, જી.આઇ.ડી.સી વટવા, કાગડાપીઠ, દાણીલીમડા અને નારોલ પોલીસ સ્ટેશનોમાં થાણા અમલદારો દ્વારા નામદાર કોર્ટમાંથી વિદેશી દારૂના નાશ કરવા અંગેના હુકમો મેળવી છેલ્લા એક વર્ષમાં પકડાયેલ આશરે અડધા કરોડની કિંમતના વિદેશી દારુનો રોલર ફેરવી અને નાશ કરવામાં આવેલ હતો,
વિદેશી દારૂનો નાશ કરવાની આ કાર્યવાહી અમદાવાદ શહેર ઝોન ૬ ડી.સી.પી રવિ મોહન સૈની, સિટી એસ.ડી.એમ વસંતકુંવરબા તથા અમદાવાદના ઇન્ચાર્જ નશાબંધી અધિક્ષક આર.આર. ઠાકોર, ઝોન ૬ વિસ્તારના પોલીસ અધિકારીઓ તથા સ્ટાફની હાજરીમાં કરવામાં આવેલ હતી,
વિદેશી દારૂનો નાશ કરવાની આ કાર્યવાહીમાં મણિનગર પોલીસ સ્ટેશનના કુલ ૩૦ ગુના વિદેશી દારૂની બોટલો નંગ ૧૮૬ કિંમત રૂ. ૪૮ ૧૩૨/-, ઈસનપુર પોલીસ સ્ટેશનના કુલ ૨૫ ગુનાની વિદેશી દારૂની બોટલો નંગ ૬૬ કિંમત રૂ. ૧,૧૦,૭૭૪/-, વટવા પોલીસ સ્ટેશનના કુલ 33 ગુનાની વિદેશી દારૂની બોટલો નંગ ૫૪૯૬ કિંમત રૂ. ૧૧,૪૬, ૦૩૭/-, જી.આઇ.ડી.સી વટવા પોલીસ સ્ટેશનના કુલ ૨૦ ગુનાની વિદેશી દારૂની બોટલો નંગ ૧૩૬૩ કિંમત રૂ. ૩, ૪૧,૭૪૧/-, કાગડાપીઠ પોલીસ સ્ટેશનના કુલ ૬૨ ગુનાની વિદેશી દારૂની બોટલો નંગ ૯૩૯૯ કિંમત રૂ. ૧૪,૬૬, ૧૭૭/-, દાણીલીમડા પોલીસ સ્ટેશનના કુલ ૭૬ ગુનાની વિદેશી દારૂની બોટલો નંગ ૭૧૦૧ કિંમત રૂ.૧૩,૭૭, ૪૯૭/- નારોલ પોલીસ સ્ટેશનના કુલ ૪૦ ગુનાની વિદેશી દારૂની બોટલો નંગ ૧૯૭૮ કિંમત રૂ. ૪, ૯૩,૧૨૦/- મળી "જે " ડિવિઝન અને કે ડિવિઝનના કુલ સાત પોલીસ સ્ટેશન ના ૨૮૬ ગુનાની વિદેશી દારૂની બોટલ નંગ ૨૫, ૫૮૭ કુલ કિંમત રૂ. ૪૯,૮૩,૪૭૮/- ના વિદેશી દારૂનું રોલર ફેરવી અને નારોલ વિસ્તારમાં ચોસર ગામના સરકારી ખરાબાની જમીનમાં ખાતે નાશ કરવામાં આવેલ હતો,
અમદાવાદ શહેરના ઝોન ૬ વિસ્તારના સાતેય પોલીસ સ્ટેશન ખાતે ભૂતકાળમાં પકડાયેલ અને નાશ કરવામાં આવેલ આશરે ૨૮૬ કેસોના ૨૫૫૦૦ જેટલી વિદેશી દારૂની કુલ કિંમત આશરે અડધો કરોડ થવા જાય છે,
આ પહેલા ગયા વર્ષે તા. ૧૦.૧૨.૨૦૨૩ ના રોજ ઝોન ૬ વિસ્તારના પોલીસ સ્ટેશનોમાં પકડાયેલ વિદેશી દારૂનો કિંમત રૂપિયા આશરે બે કરોડ સાઈંઠ લાખની કિંમતનો વિદેશી દારૂ, ભૂતકાળમાં નાશ કરવામાં આવેલ વિદેશી દારૂની સરખામણીમાં વિક્રમ જનક નિકાલ કરવામાં આવેલ હતો,
આમ અમદાવાદ શહેર પોલીસ દ્વારા હાથ ધરવામાં આવેલ વિદેશી દારૂના નિકાલની ઝુંબેશના ભાગરૂપે છેલ્લા એક વર્ષમાં ત્રણ કરોડની કિંમતના વિદેશી દારૂનો નાશ કરવામાં આવેલ છે.
Report by :- Keyur Thakkar
Ahmedabad
9879218574
આ પ્રકારના તમામ સમાચાર માટેે
App ડાઉનલોડ કરો.