છૂટક તેમજ પેકિંગમાં વેચાતા વધુ 25 નમૂના લેતી મનપાની ફૂડશાખા
રાજકોટ મનપાની ફૂડશાખાએ અલગ અલગ સ્થળોએથી નમૂના લેવાના શરૂ કર્યા છે. નાના મવા મેઈન રોડ પર આવેલા શ્રીરામ મસાલા માર્કેટમાં ગિરિરાજ સિઝન સ્ટોર, ઉમિયા મસાલા, ખોડલ મસાલા ભંડાર, જલારામ મસાલા ભંડાર તેમજ લક્ષ્મીનગર મેઇન રોડ, રાજનગર સહિતના વિસ્તારોમા છૂટક તથા પેકિંગમાં મળતા અલગ-અલગ મસાલાઓના 25 નમૂના લેવામાં આવ્યા છે. જો કે આ તમામના રિપોર્ટ આવતા હજુ બેથી ત્રણ માસ જેટલો સમય વીતી જશે. બીજી તરફ રામનાથપરા મેઇન રોડ પર આવેલી ઈશિતા પંજાબી રેસ્ટોરન્ટમાં ચકાસણી કરતા ત્યાં વાસી મંચુરિયન સહિતનો જથ્થો મળી આવ્યો હતો જેથી કુલ 10 કિલો અખાદ્ય પદાર્થનો નાશ કરાયો હતો તેમજ નોટિસ ફટકારવામાંઆવી હતી.
આ પ્રકારના તમામ સમાચાર માટેે
App ડાઉનલોડ કરો.