દારૂની મહેફીલમાં ડખ્ખો થતાં પડોશીએ પોલીસને જાણ કરી: વેપારી સહીત ત્રણ ઝડપાયા

મોરબી રોડ પર આવેલ ગોલ્ડન પોર્ટીકો એપાર્ટમેન્ટમાં દારૂની મહેફીલમાં ઝઘડો થતા દેકારો આખી રેસીડેન્સીમાં સંભળાતાં પડોશીએ પોલીસને જાણ કરતાં મહેફીલ માણી રહેલ એક વેપારી સહીત ત્રણ શખ્સોને દબોચી કાર્યવાહી કરી હતી.દરોડાની વિગત અનુસાર આજે વ્હેલી સવારે બે વાગ્યાની આસપાસ ગાંધીગ્રામ પોલીસ મથકનો સ્ટાફ પી.એસ.આઈ, પી.કે.ક્રિશ્ર્ચન સહીતનો સ્ટાફ પેટ્રોલીંગમાં હતો ત્યારે કંટ્રોલ રૂમ તરફથી ફોન આવેલો મોરબી રોડ બાયપાસ પર ગોલ્ડન પોર્ટીકો એપાર્ટમેન્ટમાં ઝઘડો થયેલ છે.
જેથી હેડ કોન્સ્ટેબલ હંસરાજભાઈ, કોન્સ્ટેબલ ગોપાલ પાટીલ સહીતનો સ્ટાફ બનાવ સ્થળે દોડી ગયો અને ત્યાં જ રહેવાસીઓની પુછપરછ કરતાં તેઓએ જણાવેલ કે એપાર્ટમેન્ટમાં બ્લોકનં.બી 1101માં અમુલ લોકો દારૂ પીવે છે. અને જોર જોરથી રાડો પાડે છે. જે બાબતે ફલેટમાં તપાસ કરતાં ત્રણ શખ્સો દારૂની મહેફીલ માલી રહ્યા હતો. જેમાં ફલેટ ભાડે રાખનાર સંજય સિંઘ (ઉ.વ.25) ધર્મેશ કિશોર ડાંગર (ઉ.વ.31) (રહે. હાથીખાના શેરીનં.10/12નો કોર્નર અને કિશન રસીક પોલડીયા (ઉ.વ.32) (રહે રાવલનગર શેરી નં.3)ને દબોચી દારૂની ખાલી બોટલ અને બાયટીંગના પેકેટ કબ્જે કરી કાયદેસરની કાર્યવાહી કરી હતી.
9879405838

આ પ્રકારના તમામ સમાચાર માટેે App ડાઉનલોડ કરો.