શ્રાવણ માસના પવિત્ર શનિવાર નિમિત્તે શ્રીકષ્ટભંજનદેવ દાદાને ચોકલેટના દિવ્ય શણગાર એવમ્ ચોકલેટનો અન્નકૂટ

વડતાલધામ દ્વિશતાબ્દી મહોત્સવ એવં શતામૃત મહોત્સવ સાળંગપુરધામ ઉપલક્ષમાં શ્રી સ્વામિનારાયણ મંદિર વડતાલધામ સંચાલિત સુપ્રસિદ્ધ યાત્રાધામ સાળંગપુરધામ શ્રી કષ્ટભંજનદેવ હનુમાનજી મંદિર ખાતે શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી તેમજ કોઠારીશ્રી વિવેકસાગરદાસજી સ્વામીના માર્ગદર્શનથી શ્રાવણમાસના પવિત્ર શનિવારે તા.02-09-2023ના રોજ શ્રીકષ્ટભંજનદેવને ચોકલેટનો દિવ્ય શણગાર કરવામાં આવેલ એવં સવારે 05:30 કલાકે મંગળા આરતી પૂજારી સ્વામી તથા સવારે 07:00 કલાકે શણગાર આરતી કોઠારી વિવેકસાગરદાસજી સ્વામી દ્વારા કરવામાં આવેલ. તેમજ બપોરે 11:15 કલાકે દાદાને અનેકવિધ ચોકલેટનો અન્નકૂટ ધરવામાં આવેલ તથા અન્નકૂટ આરતી કોઠારી વિવેકસાગરદાસજી સ્વામી દ્વારા કરવામાં આવેલ. સાંજે 05:30 કલાકે શનિવાર નિમિત્તે દાદાનું દિવ્ય ષોડશોપચાર પૂજન તેમજ સાંજે 07:00 કલાકે ષોડશોપચાર આરતી કરવામાં આવેલ. હજારો ભક્તોએ પ્રત્યક્ષ તેમજ ઓનલાઈન આ અનેરા દર્શન તથા મહાપ્રસાદનો લાભ લઈ ધન્યતાનો અનુભવ કરેલ.

બોટાદ બ્યુરો: ચિંતન વાગડીયા

મો:૮૦૦૦૮૩૪૮૮૮

આ પ્રકારના તમામ સમાચાર માટેે App ડાઉનલોડ કરો.